煎釀三色椒 + 粟米蛋花湯 ( 19-JUN-2017 )

( 19-JUN-2017  MON )

尋晚瞓到半夜 3 點幾熱醒呀   條頸濕哂呀   所以真係頂唔順沖沖身囉   沖完真係舒服好多   好在可以即刻瞓番咋   哈哈 ~

今朝里奧大人去上環見客   所以又陪我食早餐呢   開心開心 ~



菇場忙下停下咁啦   但今朝杯奶茶唔夠濃   又瞓得唔好喎   所以無咩精神咁 ~

Lunch 食健康餐   今次撈食嘅乳酪   原來好鬼飽   下次都係買飲嗰啲乳酪   酸酸咪咪好味好多 ~

肥仔豪好驚嚇咁問我食咩   我想問佢駛唔駛個樣咁驚呀 ?!

                    

撈埋一堆   反而唔好食   哈哈   



咁真係好鬼眼瞓   喺 1 點 25 分仲無啦啦勁鬼攰   一合埋對眼已經瞓着咗   好在里奧大人啱啱 1 點 35 分打嚟搵我   唔係我都驚唔知醒 ~

瞓咗 10 分鐘   真係精神好多   但仍然攰   哈哈 ~

忙下停下又放工   今晚去街市買定 3 日餸   咁就唔駛成日去買餸咁呢 ~

番到屋企放好哂啲嘢就拖地   抖咗陣   里奧大人 7 點放工   咁我都預備喇 ~ 

是日晚餐 - 煎釀三色椒 + 粟米蛋花湯

煎釀三色椒 - 突然間好想食   所以就整啦   今次又係好味道   可能真係好想食   哈哈 ~

粟米蛋花湯 - 終於清埋呢罐過期粟米湯   但我開始有啲驚飲粟米湯喇 ~

搞掂哂就食生果   抖陣就沖涼喇 ~

雖然超級攰   但都熨埋 2 機衫   咁就唔駛心掛掛喇 ~

今次去旅行係坐 HK Express   行李又要另外比錢   飛機餐又要比錢   不過我都知廉航係咁   最緊要里奧大人搞掂   好在突然間醒起 CC 都坐過 HK Express   咁即叫里奧大人問佢嘢喇   因為我打去 Hotline 同里奧大人同事覆嘅嘢都唔一樣嘅   但最離奇係反而 HK Express 嘅人啲資料係錯囉   暈暈哋 ~

今晚勁攰呀   同里奧大人 11 點都即刻瞓喇 ~