招牌餃子冬蔭功米粉 + 蕃茄栗子粟米南瓜湯 ( 8-JUN-2017 ) + ( 9-JUN-2017 ) + ( 10-JUN-2017 )

( 8-JUN-2017  THU )

今朝又係好焗熱   真係好怕吽雨嘅感覺呢 ~

去埋入淘寶運費先食早餐   依家無乜記性   記得就要做㗎喇 ~

去另一間食早餐   因為好想食蕃茄湯通粉 ~



菇場忙呀   但呢兩星期個人好鬼攰   完全提唔起勁做嘢   慘 ~

Lunch Time 去買湯料   之後買個吞拿魚包同雞尾包番菇場食 ~

無咩胃口   食完個鹹包都覺得好飽 lu ~

仍然忙   但無動力做   哈哈   做下停下咁呢 ~

放工買埋餃子就番屋企   之後預備煲湯   搞掂哂就開機洗衫   之後熨衫 ~

里奧大人 7 點放工   終於喺煮嘢先熨哂   勁開心   唔駛一陣又要熨 ~

本來今晚煮拉麵   但我都係想食湯渣   所以煮米粉比里奧大人食算喇 ~

是日懶餐 - 招牌餃子冬蔭功米粉 + 蕃茄栗子粟米南瓜湯 

招牌餃子冬蔭功米粉 - 買咗 10 隻餃子   每人 5 隻   飲埋湯同食湯渣   真係好夠飽呢    哈哈 ~   

蕃茄栗子粟米南瓜湯 - 蕃茄同南瓜都有益   所以間唔中要飲下呢個湯 ~

咁我煎熱個雞尾包   但無話比里奧大人聽係咩   佢個樣勁期待   笑死我   之後食到係雞尾包就唔食   正衰佬   諗住叫佢清埋家嘛   哈哈 ~

搞掂哂就即沖涼   之後睇下電視   但好攰呀   10 點半瞓覺添喇   勁 ~   

( 9-JUN-2017  FRI )

尋晚瞓到半夜熱醒   成條頸都濕哂呀   上半身都濕埋   第一次咁咋   本來諗住沖涼   但頭暈暈咁   所以就咁抹身   等個身乾爽啲   同埋換番睡裙就算喇 ~

起身嘅時候   感覺完全無瞓過咁   哈哈哈哈 ~

又係勁熱   真係要落番場大雨   唔係日日咁焗熱都幾大鑊 ~

早餐食熱狗   想食啲酸嘢   見個個飲凍飲   真係堅想飲   不過如果餐廳冷氣夠凍   基本上我都鍾意飲熱飲   我成日覺得凍嘢無咩味   只係感覺涼快咁囉 ~



菇場忙呀   但個人好鬼攰   應該每月一將會中午來探我呢 ~

Lunch Time 出去食魚湯飯   因為想暖下個肚呀 ~

每月一終於探我啦   感恩聽日 Off   可以盡情瞓   最緊要係唔駛請病假 ~

里奧大人今晚要去姑奶屋企整嘢   咁我放工都即走喇   沖個熱水涼   咁飲埋尋晚啲湯同食粟米   咁口痕食條善字腸啦   之後有啲唔舒服   嗚嗚   頭先明明好好咃家嘛 ~

頂唔順呀   又嘔喎   嗚嗚   所以 9 點幾都瞓喇 ~

里奧大人 11 點先番到屋企   佢見我唔舒服   都幫我整個暖水袋   我真係好攰   完全唔願郁 ~

( 10-JUN-2017  SAT )

嘩   人生第一次記到咁多時間   好記得半夜 1 點幾   3 點幾   6 點幾   9 點幾   11 點幾都嘔呀   辛苦到想死咁滯 ~

咁約咗 11 點整水箱   搞掂哂再瞓過呢 ~

里奧大人 7 點幾醒咗   話食個杯麵   12 點又話餓   不過我完全無胃口啦   佢自己去官塘食完嘢   再去拎淘寶嘢先番屋企 ~

咁里奧大人實會問我食咩 ?!   我都多數發脾氣話唔食呀   唔好再問   其實自己都好衰   佢都擔心我餓啫 ~

我都瞓到天昏地暗   一醒已經係夜晚 11 點   咁我開始餓   話想食個杯麵   里奧大人即刻飛去煲水   我都忍唔住話好快喎   佢話難得我話肚餓嘛   嗰下係幾感動嘅   哈哈 ~

食完抖陣   12 點幾又瞓番 lu ~