大家樂 @ 官塘 ( 3-JUN-2017 )

里奧大人唔食酸瓜   我就最鍾意食呢啲酸瓜   家姐同佢一樣   食麥記漢堡包   一定唔食片酸瓜   又係比埋我

( 3-JUN-2017  SAT )

感恩一覺瞓天光呀   7 點半就起身喇 ~

里奧大人話個冷氣無滴水喇   感恩感恩   不過今日都會搵師傅嚟睇睇囉   始終唔想成日開到冷氣咁大   真係好鬼寒囉 ~

今朝約咗家姐食早餐   見佢成個鼻都係汗   佢話好熱呀   佢同阿 MI 同里奧大人話熱嘅話   就即係好熱㗎喇   不過今朝真係好焗熱   我沖涼開熱水   啲水係辣肉㗎 ~

家姐話啲蛋好似假蛋   因為可以成塊就咁拎起   唔會散出來喎





一路食一路傾   我同家姐都鍾意 Share 食   咁尋日家姐同糟糟食燒味飯   家姐食五寶飯   糟糟食叉雞飯   咁家姐就每樣比啲糟糟   之後家姐同糟糟講話   妳唔係比番啲叉燒比我咩 ?!   之後糟糟話見係妳咋   佢好朋友話食都唔比呀   真係唔知以為要妳啲咩   要妳嚿叉燒之嘛   哈哈 ~

咁佢地要少飯   家姐食咗 4 啖飯咋   糟糟就叫家姐唔好食咁多飯啦   但家姐話食燒味唔送飯點得架   好鹹家嘛   糟糟成個管家婆咁   搞笑 ~

不過家姐都當佢係阿妹咁錫㗎   所以我覺得做家姐朋友都好好   佢成日都買嘢番公司同同事一齊食   好開心嘛   唔似我咁孤獨老人   但我真係唔可以同呢度啲同事做朋友   傾閒偈可以   私人嘢我一律不提呢 ~

我番工第一日   Shipping 同事居然知我住邊 ?!   我覺得好離譜喎   呢啲個人資料只得 Admin 部門知道   咁點解 Shipping 同事會知 ?!   咁我之前同阿 Head 講我搬屋   唔夠一個鐘   阿爽即問我會唔會經過屋企附近間舖頭 ?!   咁好恐怖啦   周圍講人啲嘢都有嘅 ?!   所以我入院做手術   我直接同我阿 Head 講   叫佢唔好同同事講我做咩手術   由我口中同你講   其實佢都知道   我知佢會周圍講啦 ~

傾下傾下   好快又 8 點 45 分   係時候走人喇 ~

菇場其實要做 Report   不過唔想做住   寧願星期一快快手一日做哂   呵呵 ~

放工即走   今日搵人嚟整冷氣   里奧大人話整咗成個鐘   原來條喉塞咗   整咗 $580   希望之後無問題啦 ~

里奧大人話好餓喎   早餐食咗 3 隻蕉咋   我話食 2 隻已經好飽啦   講到自己食好少嘢咁 ~

咁即去食午餐啦   其實我都未餓   但又想食飯   咁食埋啦   唔想等到 2 點 ~





食完番屋企   抖咗陣就拎啲嘢去姑奶屋企   之後又拎番啲嘢番屋企   咁又 4 點 lu ~

執下嘢   咁幫里奧大人分開啲衫嚟洗啦   佢拎咗番嚟就咁放喺度   我頂唔順囉   就喺分衫嘅時候焗一焗   之後係咁流鼻涕呀   慘 ~

真係嚟料咁喎   所以今晚都唔喇   多啲時間休息 ~

7 點去食嘢   食完行陣   番到屋企沖埋涼就抖下喇 ~

睇下旅遊書   睇到 11 點幾都瞓喇   聽朝 9 點要起身呢 ~