山田海韓國料理 @ 官塘 ( 5-JUN-2017 )

一落完 Order 就有呢 6 碟前菜   份量唔少㗎   左下碟最辣 

牛肋骨大醬湯 (小辣) $100 - 有 3 大嚿牛助骨   但嚿滔都好多肥膏   所以我食一嚿之後就叫里奧大人幫手食   同埋根本一啲都唔辣   老實講   我覺得好漏

我係鍾意佢夠熱囉   但可惜間餐廳好焗熱   有啲後悔叫呢個湯   哈哈

石鍋雜菜飯 (牛肉 ) $100 - 個侍應一嚟到問要唔要辣醬 ?!  我話唔要   之後佢即刻搞啲飯 lu   仲諗住影張相添   因為我覺得石鍋飯擺得好靚好整齊嘛



里奧大人話好多菜   牛肉得好少   我話咪啱囉   幫手食我嗰啲牛肋骨   哈哈



雪米糍 - 我無食嘛   我問里奧大人咩嘢味 ?!   佢個樣好慘咁   咁我咬啖啦   奶皇餡來嘅   同埋個皮口感好硬   食完仲滯多兩滯   哈哈

( 5-JUN-2017  MON )

尋晚瞓得都 OK   起身都無感冒 Feel 同咳喇   第時唔舒服   真係要好早瞓先得呢 ~

點知一出門口   係咁打噴嚏   可能焗熱得滯呀   之後又咳埋   等我以為好番哂 ~

勁唔舒服呀   所以買咗幾個檸檬焗水飲   再買埋蛋糕做 Lunch   咁晏晝可以唔駛出去了 ~  

早餐本來就咁飲奶茶   但好驚會胃痛   唯有叫件多士啦 ~



菇場忙呀   做長命 Report 又要整其他嘢   又係咁咳同流鼻涕   辛苦到爆   成個垃圾桶都係紙巾 ~

Lunch Time 一到就瞓   不過瞓唔到   咁慢慢食件蛋糕啦   但其實無胃口食嘢 ~

忙呀忙   咳到甩肺   最慘啱啱問同事嘢   佢講咁耐我咳咁耐   真係唔好意思   同埋最衰係我一講嘢   就係咁咳   咳到我要去洗手間咳   因為我覺得好嘈呢   哈哈 ~

用咗一個檸檬   好香呀   所以覺得好好飲   但就唔可以日日飲   對牙齒同胃唔好㗎

里奧大人話今晚有得拎淘寶嘢   話出去食喎   咁是但啦 ~

今晚做到 5 點 50 分放工   咁唔駛行 APM 咁耐   個人唔舒服    唔係咁想行 ~

行埋一田超市都已經 7 點   咁啱里奧大人打嚟話放工   咁我都預備慢慢行去駱駝漆喇 ~

7 點半去到餐廳   叫埋嘢食   等到 8 點都未有   咁里奧大人話去拎嘢先 ~

間餐廳好熱呀   我同里奧大人都食到出汗咁滯   咁有人又燒烤嘛   所以更加熱   最慘係聞到自己成身韓燒味   下次都係唔來喇   唉 ~

食完都即埋單走人   之後出到街   我同里奧大人講話頭先好似喺大排檔食嘢咁   好鬼熱   但我做咩唔叫個老闆開大啲冷氣呢 ?!   哈哈 ~

番到屋企即沖涼洗頭呀   之後成個人舒服哂呢 ~

睇多陣電視   今晚 11 點都自己瞓先喇 ~