青咖哩扎肉 + 粟米蛋花湯 ( 4-FEB-2020 )

里奧大人話想食湯丸   咁就煮啦

家姐比我嘅天然蔗糖   味道果然唔係死實實嘅甜呢

( 4-FEB-2020  TUE )

今朝落雨   又潮潮濕濕喎   最怕呢啲天氣   希望過兩日會見到太陽啦 ~

早餐食蛋牛治   真係要對手消毒消毒再消毒   再用紙巾包住食   但下次都唔食喇 ~

家姐今朝都番咗公司   佢話唔係咁鍾意 WFH   因為做嘢唔係咁方便   家姐話工人都驚咗佢   因為成日話帶 Berry 出街   話 Berry 都好慘   哈哈哈哈   但工人真係就咁帶 Berry 出街㗎咋   電話都唔帶   真係好享受同 Berry 獨處喎   哈哈 ~   

但其實 Berry 都勁鍾意出街啦   Miss 都話 Berry 起碼一日要出幾次街   咁先可以放到電 ~

家姐喺屋企呢   Berry 真係成日走來走去唔瞓㗎   但如果家姐唔喺度   佢就會瞓   呢樣嘢我可以証實   因為我話 Berry 真係咁 ~

Lunch Time 出去買生果   買完番到菇場都 1 點幾   即刻食 Flakes + 朱古力奶   其實仲未餓   不過想開工前食啲嘢 ~

4 點放工   番到屋企都即拖地   之後就抖喇 ~

一次過食唔哂   又唔想特登去買   所以買啲唔太熟嘅就最好   嘻嘻

我真係好少好少買柑   但呢排想食啲多水份嘅生果呀   咁所以買柑啦   老闆娘話廣西沃柑又甜又多汁㗎   咁信佢啦   $12/磅   呢度四個要 $27

5 點幾就浸菜   點知啲菜有好多黑點   即問阿 mi 食唔食得 ?!   佢話佢唔會食   咁我都唔敢食呀   唉   大拿拿無咗四十蚊   心都痛埋   嗚嗚 ~

好驚囉   幾乎成棵都有黑點

里奧大人 6 點幾放工   我都開始煮嘢喇   今晚煮超力米   我覺得食扎肉配米粉   好似好味啲   哈哈 ~

是日晚餐 - 青咖哩扎肉 + 粟米蛋花湯  

青咖哩扎肉 - 家姐之前喺一田買比我   但係上次去佢屋企   佢先記得比我   其實佢唔講   我都完全唔記得了 ~

粟米蛋花湯 - 好在之前買咗粟米湯咋   咁唔駛特登再去買菜呢 ~

大清潔完廚房就開機洗衫   沖埋涼就休息喇 ~

睇多陣 youtube   11 點半都瞓 lu ~