雙丸拉麵 + 猴頭菇姬松茸素湯 ( 9-FEB-2020 )

( 9-FEB-2020  SUN )

尋晚 3 點起咗身   開電話睇家姐收到貨未   佢真係 1 點先收哂貨   無諗過咁夜囉 ~

唉   瞓得唔好   不過 9 點 45 分都要起身呢   拿拿聲沖埋涼就去食早餐喇 ~

食完早餐就番教會   崇拜完畢之後就幫里奧大人公司買嘢   咁等埋里奧大人放工就去食下午茶喇 ~

番到屋企抖陣   之後我去買埋粟米紅蘿蔔   順便同家姐交收 ~

家姐 4 點到   同家姐又傾咗陣   番到屋企原來已經係 4 點半   要即煲湯喇 ~

家姐買咗呢兩支嘢比我   係佢朋友整架   其中一支有甘油成份   滴落口罩入面   唔駛成日聞到自己陣口水味   哈哈

依家小組會喺網上聚會   所以 5 點要開始大家一齊 Set-up   搞掂哂就星期五可以開組喇 ~

6 點半開始煮麵   今晚非常之簡單呢 ~

是日懶餐 - 雙丸拉麵 + 猴頭菇姬松茸素湯

雙丸拉麵 - 想清埋哂啲丸呀   雖然唔係買咗好耐   但就唔想擺咁耐呢 ~

猴頭菇姬松茸素湯 - 好耐無煲湯   呢個湯包又過咗期   咁煲埋去啦   加咗兩條粟米 & 兩條紅蘿蔔   咁樣就唔駛買菜   哈哈   勁懶 ~

大清潔完廚房就開機洗衫   沖埋涼就休息喇 ~

呢排都係睇 Youtube 飲食節目   里奧大人見我成日睇   無啦啦問我係咪越睇越有啲餓 ?!   我話係   不過唔食嘢㗎喇   因為刷咗牙   所以我依家多數沖涼前刷牙   咁就唔會比自己再食嘢囉 ~

里奧大人做公司嘢   咁我 11 點半都瞓   估唔到佢話佢都要瞓呢 ~