泰瘋狂 @ 曼谷。泰國 DAY 3 (PART 1/2) ( 26-FEB-2020 )

( 26-FEB-2020  WED )

今朝仍然 8 點半起身   第一時間望下出面嘅天氣   因為今日要去古城 76 府 ~

本來諗住聽日去   但尋日睇天氣預測   話星期四及五會落雨   所以改為今日去呢 ~

好在我每日安排嘅行程係好有彈性   始終天氣話唔埋   真係要有兩手準備 ~

呢次所有行程   里奧大人係唔知去邊㗎   我連搭交通工具   邊個站轉車等等等   都係我安排   反而去台北就一定要由里奧大人教我搭捷運方向   所以我真係好鍾意去曼谷   好有成功感   哈哈 ~

今日應該都好好天氣   雖然我影得暗

沖埋涼就落去食早餐   因為想快啲出去玩呀 ~

無咩人食早餐就最好

Pasta Cream of Mushroom Sauce

Seared Fish Fillet with Tomato Sauce

Chicken Gyoza / Grilled Saba with Soya Sauce

Stir Fried Kale with Brown Sauce / Pad Thai

Chicken with Turmeric

Boiled Rice   白粥

送粥佳品

無紅毛丹嘅   可能唔當造

Stir Fried Bean Sprouts with Tofu

甜品區   哈哈

我嘅早餐   其實我想夾多啲唔同嘅食物   所以先拎咁大隻碟   但嗰一刻又無咩想食

里奧大人嘅早餐

今年喺曼谷過生日   所以勁開心

Fruit Tart 係里奧大人拎比我的   2020 FEB 26 係我用芝士整的

仍然係我嘅早餐   開始有啲胃口   哈哈

咩都試下

我超級鍾意個玻璃樽

我鍾意食凍肉 & 芝士夾餅   因為香港好少機會食

里奧大人拎比我嘅生日蛋糕   話係最後 2 件

我以為里奧大人靜靜雞整心型西瓜添   原來本身係心型㗎   哈哈哈哈   我都奇怪   佢企喺邊到整個心型呢

里奧大人真搞笑   話係咪呢度有呢啲細細條嘅芝士條呀 ?!   我話我頭先用刀慢慢切㗎

食完早餐即上房 Book 古城 76 府門票   上網睇話可以當日 Book   咁就最好啦   因為驚預早 Book 咗   去到當日又落雨嘛 ~

不過無得即場 Book 聯票 (包午餐)   咁唯有只 Book 古城 76 府呢 ~

今次喺 Klook 訂門票   HK$148/人   搞掂哂都 11 點   要即 Call Grab Taxi 喇 ~

今日氣溫係 33 度   一去郊外就 3 字頭   哈哈

坐 Grab Taxi 去古城

好多大鼓

住呢座大廈   景觀肯定好開揚

好似去緊機場咁   哈哈

全部都係橙色

今日天氣好好   感恩感恩

估唔到會塞車

要比 Toll Fee   但唔記得比幾多錢

見到好大隻大象

11 點 50 分落車   今程車費係 175B   但拎門票時   職員話呢度係三頭象神博物館   古城 76 府係另一邊   哈哈哈哈 ~

再睇番 Klook   原來有 2 個地址   里奧大人話一場嚟到   不如買埋門票入去睇   但我話唔好囉   反正我哋又真係無興趣睇大象   倒不如早啲去 76 府好過 ~

第一個感覺係好熱   哈哈

入場前要量體溫

再提供消毒搓手液

之後就去換票

因為我哋搞錯地方   咁要再 Call Grab 去古城   所以職員幫忙輸入古城地址

我對大象真係完全無興趣

再見   哈哈

我覺得等 Grab Taxi 都好耐下喎   好似等咗成 15 分鐘呀   無無聊聊同里奧大人估下邊架係我哋坐嘅 Grab Taxi   哈哈 ~

呢個吹氣公仔都變咗灰色了

好大袋垃圾

司機都戴口罩   佢哋工種都算高危呢

12 點半終於到古城 76 府   今程車費好似 150B ~

今次肯定無錯   哈哈

第一時間 Book Golf 車   首 1 小時係 300B   之後就 200B   如果要有 Driver 就貴啲   但我哋唔需要 ~

呢度正呀   因為有冷氣   哈哈哈哈

職員 Check 緊資料

呢個 Lunch 要預早一日 Book 先可以食到呀

現任泰皇

租 GOLF CART 價錢

喺呢度 Book 車

我哋租 2 小時嘅 4 個座位高爾夫球車   即係 550B

我同里奧大人講話唔會係呢架白色嘛   因為比較污糟

呢架就乾淨好多   同埋靚好多   哈哈

不過我哋係坐呢款高爾夫球車   仲乾淨   感恩感恩

職員教遊客點樣駕駛

1 點開車   里奧大人話好鬼熱呀   好在坐高爾夫球車咋   哈哈 ~

里奧大人一定安全至上   同埋其實都唔需要開得快

里奧大人今日全身灰色

可以租單車   但我一定唔會   因為我唔係咁識踩   同埋長時間咁曬   真係中暑都似

仲未整好 ?!

第一個景點   但唔知咩來   哈哈

金碧輝煌

原來有幾個塔

走人

今日主要都係周圍行下影下

好多像   但就唔知係乜像

Audio Guide   不過我哋覺得唔需要租呢

應該係臥佛   上次去大皇宮都無去睇呀   因為里奧大人話除鞋麻煩   所以佢無入去影

自己入去影係有啲驚   雖然日光日白

好大個像

點解我當時無影哂正面全身嘅 ?!   應該驚得滯

其中一個角落係咁嘅

呢架係觀光車   好似只停 3 個站

里奧大人話有車就好舒服   我話就係知道有車先嚟啦   但今日最開心係沿途無人   可以唔駛戴口罩   哈哈

係咁話好熱好熱好熱   所以要戴防曬手套

76 府應該所有景點都係塔 & 像

又去另一邊睇睇

幾乎每個出入口都有呢啲像

好多地方   我哋只係 Zoom 來影

好大塊荷葉

樹中像 ?!

我同里奧大人講呢個地方係好似世界之窗咁   無咩特別 ~

但呢個 76 府嘅指示真係嚴重不足   我哋係咁兜來兜去   好在我旨在比里奧大人玩下 Golf 車咋   雖然咁   但都唔想原地踏步咁家嘛   哈哈哈哈 ~

里奧大人全套防曬裝扮   反而我就無   我想曬下呀   除咗塊臉

周圍泊車都無問題

我以為成個場都只係高球車同觀光車添

又周圍睇下喇

有好大個像

呢度真係好舒服

我同里奧大人講話原來一張影哂都唔錯   哈哈

今次出郊外抖抖氣都幾好   雖然天氣比較熱   但我又 OK 喎   反而里奧大人係咁話好熱 ~

每個景點幾乎得我哋兩個人   真係勁正呀   咁就可以唔駛戴口罩 ~

嚇死我呀   以為係蜈蚣呀   其實嚟呢啲地方   都係着密頭鞋穩陣啲

每個景點都有簡介   但一個都無睇

好多景點都比樹木遮住咗   所以有啲都影唔到呢

呢 3 座好似堡壘

其實距離都幾遠㗎

紅象   唔知代表咩呢 ?!

我覺得好似涼亭

有啲像企喺洞入面

牛是真的

里奧大人話佢哋會行出來㗎   我叫佢即刻開車走   我好驚佢衝埋來呀

感恩今日好好天氣

如果係真嘅   就肯定入去睇   哈哈

好難得見到一個人

唔記得係咩花

好多樹   好似話人 "好多事" 咁   哈哈哈哈

隻獅子個樣好搞笑

可能真係唔知咩名堂   所以唔會話好有心機睇

好長嘅龍船

噴水池

有個小朋友企喺個像隔離

有個涼亭   遊客可以坐來抖一抖

八仙過海

喺曼谷   間唔中會見到呢啲噴畫嘅巴士

我覺得車門有啲恐怖

變咗停車場   哈哈

可以行入去睇就好喇

有幾隻雞

終於又見到人喇

船頭一定會有對眼

行出去影相都唔錯   可惜唔得啦

如果無 Golf 車   妳見到咁大條路   都已經唔想行

有對男女坐喺紅色馬上面   其實里奧大人唔同我講   我完全無留意㗎   哈哈

差唔多 2 點就食啲嘢先   今朝我喺酒店拎咗 1 樽水同 2 隻香蕉   但其實我都無咩點郁   唔係話好餓

食完又再周圍影

我好鍾意清邁塔佩門嘅顏色   但呢個唔知係咩

大象托住個塔 ?!

如果要我不斷行來睇呢啲像   我會覺得好悶   但坐車又唔同   因為唔想睇可以即走   哈哈

我話行上樓梯影相   不過里奧大人話好危險   企前面影就可以

又見到好大個像

好多唔同型狀嘅石柱

真係要行近先睇到有個像

周圍環境

依家先見到有使用關鍵項目   哈哈哈哈

呢個女仔問我哋個景點點去   但 Sorry   我哋連自己喺邊個位置都唔知   所以幫唔到佢   哈哈

 

佢影呢個影咗好耐

沿途都係咁上下

似層相識

點解又係差唔多咁嘅   原來係兜番轉頭呀   哈哈哈哈

疊羅漢 ?!

好鍾意呢啲植物

孔雀

叫里奧大人泊好車   之後去自拍

有兩個好大嘅像

 

另一個係企姿唔同

貼住牆

好似杏仁朱古力

坐佛 ?!

好似長頸鹿呀

巨柱

行行下又見到個大像

石柱下都有好多像

睇埋呢隻船   係時間走人喇

我絕對唔建議騎大象

2 點 51 分開始要搵路走人喇   感恩可以 2 點 57 分還車 ~

沿途真係勁驚險呀   因為兜來兜去   好驚搵唔到 Exit 呀   不過我話如果遲咗還車   就再續多 1 個鐘   反正都要比錢嘛 ~

呢個景點係我睇 Youtube 見到嘅   我對景點就無興趣   但可以坐住 Golf 車周圍去就比較吸引喇   里奧大人都話今日行程唔錯   唔駛成日 Shopping   哈哈 ~

還車

諗住坐 Grab Taxi 去 MBK   但要 4xxB   我覺得貴呀   加上我地又唔係趕時間   咁搭 BTS 好過 ~

原來 MBK 係叫做 MBK Center   但又有人叫 MBK Shopping Mall   我就不嬲叫 MBK   咁頭先想 Call Grab   里奧大人問係 Center 定 Shopping Mall ?!   我話真係唔知喎   佢話乜妳唔知嘅咩 ?!   我就最唔鍾意佢咁問我   大佬   你自己都叫 MBK 啦   點可能咁樣話人呢 ?!

BTS 站附近無咩人

估唔到行人路都會出現電單車

里奧大人隔離係雙條車

我感覺呢個 BTS 站係無商店

見到扶手電梯就最開心   始終戴住口罩上樓梯比較辛苦嘛

真係無商舖的

去到邊都咁曬

呢個總站無咩人等車

我睇住前面嘅列車   由另一條路軌轉入呢條路軌   而後面就係我哋坐嘅列車   無諗過咁貼呀

估唔到咁快有車   感恩感恩

3 點半了

由 Kheha (E23) 去到 National Stadium   都好似接近 1 個鐘   以往一定瞓覺   但依家唔係咁敢 ~

車廂唔算多人   所以覺得冷氣好凍

非繁忙時間嘅話   啲人多數唔戴口罩

轉車嘅時候   我影粉紅色嘅市集   里奧大人以為我想去呀   但我話唔會去喇   知道無咩特別

站內職員認真消毒

影相為証

外國人真係好少戴口罩

我哋覺得喺 BTS 站入面嘅兌換店   兌換率都高囉   唔需要特登搵 SuperRich 呢

兌換率 HKD4.03

呢日未完㗎 ^^