蒜芹炒米粉 + 芫茜皮蛋湯 ( 13-MAY-2021 )

( 13-MAY-2021  THU )

今朝 7 點唔夠已經起身   梳洗完就即去徑步 ~

好似有啲攰攰哋   但估唔到又徑咗 25 分鐘   之後出哂汗反而好精神 ~

買埋早餐就番屋企慢慢食   抖陣沖涼就番工喇 ~

留番啲蛋   今晚用嚟炒米粉   我尋晚已經諗定今晚要整蛋絲   依家唔駛整喇   爽

終於落場大雨   好在菇場有涼鞋   濕咗對鞋都唔駛驚   哈哈 ~

唔係太忙   咁就抖下啦   好鬼熱呀   所以都唔想郁 ~

Lunch Time 出去一田行下   感恩買到檸檬味清潔廁所噴霧   上次買係特價 $12/支   之後就做回正價 $17.9/支   今日又做特價 $12/支   即買 5 支   因為每星期一次大清潔廁所   用得好快呢 ~

買完就去買燒賣腸粉   其實想食炒麵   但佢得炒米粉   咁我唔食啦   今晚我都煮炒米粉 ~

雖然已經 12 點半   但都仍然可以慢慢食   因為頭先行到出汗   哈哈 ~

4 點幾開始忙   但又要等人覆要 Hold 住   所以放工都可以準時走呢 ~

番到屋企都預備晚餐   里奧大人 6 點幾都番到屋企   不過未食得呀 ~

今晚都接近 7 點開餐   滾湯加炒嘢都算快㗎喇 ~

是日晚餐 - 蒜芹炒米粉 + 芫茜皮蛋湯

蒜芹炒米粉 - 好想整好耐㗎喇   今晚終於整喇   其實就咁蒜芹都好好味   不過今朝食剩啲蛋   所以加埋落去一齊炒   感覺好似多樣配料咁   哈哈 ~

芫茜皮蛋湯 - 喺菇場附近買嘅芫茜   所以今次無特登去買魚   就咁加皮蛋算喇 ~

8 點左右去徑步   里奧大人瞓着咗   但我一出門口   佢又話一陣都會去徑步   不過我唔等佢喇 ~

今晚徑咗半個鐘就番屋企   即開機洗衫   之後沖涼喇 ~

我同里奧大人講話好在無暈   因為我星期一飲雞骨草   星期二苦瓜茶   尋日就焗胎菊   感恩真係無哂牙肉痛   唔係可能要去睇醫生呢 ~

終於睇埋最後 1 集 "金秘書為何這樣"   今晚 11 點唔夠都瞓 ~