水餃雲吞拚蝦滑 & 牛柏葉 + 炸魚皮 (外賣) ( 20-MAY-2021 )

( 20-MAY-2021  THU )

感恩一覺瞓天光   7 點唔夠都起身 lu ~

今朝只係徑步 20 分鐘   咁番到屋企抖陣先沖涼   咁樣唔駛咁趕 ~

早咗一班車   又可以慢慢食早餐 ~

其實唔餓   但唔食甜嘢   食芝腿治烘底   不過食咗半件已經好飽   我覺得呢排開始徑步   反而唔係咁想食嘢咁呢 ~

菇場忙咗陣又可以 Hea   其實咁都唔錯嘅 ~

Lunch 食朝早剩嘅半件芝腿治   再加埋買咗十世嘅車厘茄   咁樣都幾有野餐 Feel   哈哈 ~

仍然 Hea 過   呢排都係傾下偈就等放工 ~

放工去買埋水餃同瓜菜就番屋企   以前會一次買好多   依家真係唔會喇   其一真係好鬼重   其二買完又好似唔想食   煮嘅時候變咗有壓力   所以唔想囉 ~

我番到屋企無耐   里奧大人都番到嚟   叫佢沖涼抖下啦   起碼半個鐘先有得食 ~

是日懶餐 - 水餃雲吞拚蝦滑 & 牛柏葉 + 炸魚皮 (外賣)  

水餃雲吞拚蝦滑 & 牛柏葉 - 依家天氣咁熱   食水餃雲吞真係唔錯   濕濕地易入口   我話要廿蚊蝦滑   魚仔講笑話廿斤   用整蛋糕都得   哈哈   好想食啲爽爽地口感嘅嘢   所以買牛柏葉   今次買咗 $20   我覺得都抵   出街食牛柏葉好貴架 ~

炸魚皮 - 又係食剩大半包   次次可以食 3 晚   係咪好抵食呢 ?!   哈哈   不過佢啲份量越來越少囉   仲要加咗兩蚊雞 ~

洗埋碗就抖陣   8 點就出去徑步 ~

今晚徑 25 分鐘   同里奧大人徑步最好   因為時間一到   佢就會企定定等我一齊走   我唔駛睇時間   哈哈 ~

番到屋企即開機洗衫   沖埋涼就食木瓜   之後就睇 "會讀心術的那小子" ~

里奧大人睇完 1 集   就會睇埋新 1 集嘅開頭   即係佢會追嚟睇   哈哈 ~

今晚我 10 點 50 分都瞓覺先喇   依家徑步好想 11 點前瞓呢 ~