韓式餃子出前一丁 + 自家制三文治 + 自家制曲奇餅 ( 23-MAY-2021 )

( 23-MAY-2021  SUN )

今朝里奧大人起身   我仲以為佢係半夜去廁所   之後佢叫我起身   原來已經 6 點 25 分喇   要即刻刷牙沖涼喇 ~

吹完頭就即換衫   里奧大人話 8 分鐘夠唔夠時間 ?!   我話夠呀   好在尋晚拎定條裙咋   咁樣慳番好多時間 ~

又可以慢慢嘆早餐   始終早起身   真係唔想趕頭趕命咁食囉 ~

食完早餐就去里奧大人公司幫手   個個對我嘅掛頸風扇好有興趣   問嘅問題都係一樣先搞笑   哈哈 ~

崇拜之後就等里奧大人放工   同佢啲同事傾偈好過出去行   因為條街真係好熱 ~

今日叻叻仲同我按摩個膀頭   呢下真係勁爽   全世界疫情穩定再等多半年   真係好想再去曼谷按摩呢 ~

同阿妹拎嘢   咁啱見到里奧大人上司   佢又話我哋好似兩姊妹   真係好多人都咁講㗎   里奧大人好耐之前都話我哋似   加埋髮型同身高又差唔多   又鍾意深色衫   哈哈 ~

1 點半左右食 Lunch   我食完就番屋企   里奧大人就去開會 ~

北菇雲耳蒸滑雞 ($47) - 突然間好想食呢個餸   里奧大人同家姐都話估唔到   哈哈

芝士焗法式紅酒牛柳炒飯 ($49) - 今次個茄汁比較甜   咁樣比較漏

牛柳份量都好多

雖然攰呀   但番到屋企都拖地再大清潔廁所   之後沖涼休息 ~

3 點幾開始瞓   不過都係瞓咗半個鐘 ~

里奧大人 5 點開完會   算好快㗎喇   真係好感恩 ~

7 點左右開餐   唔會遲唔會早 ~

是日懶餐 - 韓式餃子出前一丁 + 自家制三文治 + 自家制曲奇餅

韓式餃子出前一丁 - 餃子配白飯好唔夾   所以要煮出前一丁喇   哈哈 ~

自家制三文治 - 餡料係蛋沙律雞胸肉 & 三文魚   呢個天時咁熱   食凍三文治真係好鬼正 ~

自家制曲奇餅 - 係軟曲奇   口感有啲煙韌   啱哂我食呀 ~

今晚唔徑步喇   因為仲係好攰咁 ~

沖埋涼就抖陣   里奧大人就熨 3 機衫   等佢緊完就睇劇   不過我 10 點 45 分都瞓先喇 ~