2 人分享套餐 (Jollibee) (外賣) ( 24-JUL-2026 )

2 人分享套餐 ($145)

件樂脆雞 + 香芒蜜桃批 X 2 + 薯條 (大) + 汽水 (中) X 2   食剩 2 件脆雞同 1 件香芒蜜桃批

蜂脆雞塊 (細) (+$16) - 蜜糖芥末醬好味呀   食剩 3 件   又留番聽晚再食了

( 24-JUL-2026  FRI )

尋晚瞓得麻麻哋呀   感恩起身都精神咋 ~

今朝同里奧大人出去食早餐   食完就去佢公司坐陣先番工 ~

里奧大人比錢嘅時候話比我賺   點知佢只係拎 $60   我話呃人嘅   之後佢拎多張一百蚊出嚟   再笑住話我見錢眼開   碌到對眼咁大   唔駛去整容啦   我話係人見到錢都開心㗎啦   仲要我係唔駛出錢食早餐仲賺咗一百蚊喎   點會唔開心呀 ?!

忙下停下   時間過得特別快 ~

船頭買咗紅燒魚柳   我話係兒時回憶嚟呀   之前喺南亞買過唔好食   搞到我唔敢再去買   船頭話呢包好食㗎   佢自己幾日就食咗 1 包   佢又係晚晚食零食   所以大家好似   哈哈

Lunch Time 蒸完飯就去 A1 買麵包   之後再去 360 買麻油   買完就番菇場開餐喇 ~

不倒翁芝麻油 ($35)

船頭話奶奶煮嘢好好食   佢自己煮嘢又唔差   之前仲整咗乾鮑魚   仲比張相我同阿齋睇   佢整埋拌碟   完全好似喺出面食咁呀   所以我哋都話佢老公好幸福   由細到老都係食好嘢   哈哈 ~

忙下停下   差唔多 5 點   船頭話我居然唔食魚柳   今朝仲話兒時回憶好想食   所以話我真係好飽   連阿齋都話我今日講咗好多次好飽呀   我話食年糕好滯囉   船頭話年糕多數冬天先食   因為熱量夠高   我話今日咁飽係咪有原因呀   仲邊食得落嘢呀   哈哈 ~

放工去 Jollibee 買炸雞   買完就即番屋企喇 ~

番到屋企未見里奧大人   所以沖埋涼先呀   沖完就見到佢了 ~

里奧大人等我做機   我話沖得涼就唔會做機啦   之後佢就即刻去做機喇 ~

睇下 Youtube 又打下機   今晚 10 點半都瞓覺 lu ~