北京樓 @ 尖沙咀 ( 11-OCT-2026 )

原條松子黃花魚 X 2 ($656) - 大家都話好味道呀   感激里奧大人幫手夾比我哋食呢

家姐嗰枱條魚無咁飛躍   哈哈

賽螃蟹 ($168) - 我話每人揀啲餸   堂弟婦就揀呢個   又係好味道

銀線清炒小豆苗 ($132)

鮮茄蝦仁鍋巴 ($228) / 二蝦鍋塌豆腐 ($128) / 清炒蟲草花萵筍絲 ($132) / 小籠包 6 隻 ($96) / 鍋貼 5 隻 ($95)

雪花松葉蟹柑 X 4 ($392) - 食剩 1 件   當然要打包啦

榨菜肉末 叉子 2 隻 ($178) + 叉子 2 隻 ($50)

皇牌炒拉麵 ($188) - 麵條係即拉嘅

北京填鴨 X 2 ($1,056) - 最遲先上   但大家都食到飽飽哋   最後食剩咗 1/3 就要打包 lu

餅皮好薄又有點煙韌   最鍾意呢啲口感

泡菜 X 4 ($128)

青島 X 8 ($42/罐)   再叫 7 罐汽水 ($29/罐) 同埋鮮橙汁 ($42/杯) + 西瓜汁 ($42/杯)

兩個鬼仔見到鐘樓好開心呀   里奧大人仲以為家姐要求坐呢度添   哈哈

( 11-OCT-2026  SUN )

今朝同里奧大人一齊起身   之後我沖埋涼就去家姐屋企喇 ~

Berry 女認錯人   家姐話嗰個人背面真係幾似我呀   哈哈 ~

我本人行緊個男人後面   但見 Berry 係咁索個鼻   我都即刻行番開去   唔係一陣撲到人哋就慘喇   雖然佢無怪叫   但要我摸佢塊臉先停止撲埋嚟呀 ~

送埋佢哋番屋企就去食早餐   家姐就嚟生日   我話今餐我請呀   哈哈 ~

蘑菇炒蛋牛角包 ($25)

煙肉+蜜味火腿+炒蛋+薯餅+麥包多士+凍咖啡 ($52)

食完去 Panash 買麵包   家姐儲齊印花可以換個環保袋   最感恩係咁啱船頭同阿齋比印花我哋   啱啱好夠哂換個袋 ~

番到屋企見到 Berry 衝埋嚟同大叫   真係心血少都會比佢嚇親 ~

好醜樣嘅 Berry

U 姐話 Berry 做咩咁衰眼   哈哈

U 姐幫家姐同我夾頭髮   我話晏晝唔可以瞓覺呀   唔係整完等如無整 ~

我坐定定整頭髮嘅時候   我問 Berry 呢 ?!   原來佢坐喺隔離陪住我呀   勁乖女

家姐趕住出貨   不過佢可以一路做嘢一路傾偈   我就唔可以一心二用喇 ~

講起細個嘅時候   爸爸話買玩具比我哋   我就買跑馬機   家姐就買打字機   我覺得兩個揀嘅嘢都好九五搭八呀   哈哈 ~

家姐話覺得佢唔係咁錫我   因為唔知我鍾意食魷魚絲   又話尋晚食麥樂雞要芥末醬好奇怪   里奧大人話妳阿妹鍾意食   佢以為我鍾意食酸梅醬   不過我話妳記住我唔鍾意食嘅嘢會好啲   我鍾意食嘅嘢實在太多喇 ~

眼瞓

瞓得好林

佢細細個就係咁樣瞓覺

雖然佢咁樣瞓   但我都會摸佢   哈哈

12 點左右走喇   同家姐去 Muji 睇背心   咁一陣番到屋企就上網買 ~

家姐送我搭車   我買埋午餐就去里奧大人公司喇 ~

北菇滑雞飯 ($33) - 我其實係叫雞扎   但職員落錯咗雞飯   不過咁都好   里奧大人都想試下雞飯   同埋食唔哂留番聽日都得

蓮藕煎鯪魚餅 ($29) / 蜜汁叉燒腸 ($26)

唔記得邊個請里奧大人食呀

當然要開心 Share 啦

食完就要幫手做嘢   感恩今次好快搞掂 ~

番到屋企都只能夠坐喺度睇電視   里奧大人就沖涼   諗住上網訂背心又訂唔到   咁今晚食完飯先去 Muji 買喇   所以里奧大人即刻瞓覺 ~

家姐比我嘅魷魚絲

我都應該瞓咗覺   因為起身睇嘅片唔係我睇開嘅   哈哈 ~

里奧大人 5 點左右都起身   咁坐多陣就搭車去尖沙咀 lu ~

6 點 15 分到北京樓   家姐就早我哋 5 分鐘到 ~

一入食店幾乎 7 成係外國人   仲要全場滿坐呀   我哋就安排坐房   仲要對住尖沙咀鐘樓添呀 ~

之後就見到叔叔嬸嬸同堂妹妹夫 堂細佬一家四口   堂大妹一家四口就最後先到   好難得佢哋三兄妹一齊番香港   所以真係超級開心呢 ~

堂妹翹住我隻手話同我坐呀   可惜要分 2 張枱囉   咁所以一枱 8 人   叔叔嬸嬸+家姐姐妹+堂大妹一家四口   我同里奧大人+堂細佬一家四口+堂細妹兩公婆喇 ~

大家都一路食一路傾   堂弟婦問我番工係咪好開心 ?!   成日見妳出去食嘢同買嘢   我話今朝家姐先講完   哈哈 ~

之後講話如果酒樓見妳食完要妳走呢   就會收哂枱面啲嘢   里奧大人話有啲會熄埋嗰邊嘅冷氣   堂弟婦話加拿大啲食店就會開燈熄燈   我話咁有氣氛呀   哈哈 ~

堂妹夫都話飲啤酒清熱氣   鬼佬涼茶   我成日話佢好靚仔又好有禮貌   連里奧大人都話靚呀

幫佢媽咪同朋友買咗自拍神棍   佢哋上網搵唔到呀   我話我哋都驚無貨呀   始終電子用品真係日新月異   所以好感恩可以買到 

家姐比完錢   之後見到嬸嬸同堂妹想去比錢呀   真係好在家姐出咗去先咋 ~

嬸嬸話佢哋要請姐姐食飯   但我哋喺香港嘛   點會叫人哋請食飯呢 ~

呢餐食咗 $5,228.30   如果除番開每人都係四百幾又唔貴喎   家姐話佢喺太古城食午餐都要一個人 $3XX   仲要無呢間咁好食添呀 ~

我同里奧大人行去美麗華商場嘅 Muji 睇背心   不過倉存無貨   所以都搭車番屋企 lu ~

沖埋涼再睇陣 Youtube   今晚 11 點 15 分先瞓呀 ~ 

堂細妹送比我同家姐同糟糟嘅手信