蕃茄炒蛋 + 蒸魚塊 + 炒菜心 (外賣) ( 22-OCT-2026 )

( 22-OCT-2026  THU )

諗住 7 點半先起身   但 7 點 15 分都起身沖涼喇   正想去買早餐嘅時候   里奧大人話水姑已經買咗比我哋呢   好在我哋又早咗起身   如果唔係佢嚟到都唔知呀   哈哈 ~

今朝有啲嘢搞   感恩今次水姑嚟幫手 ~

差唔多 12 點就搞掂   之後搭的士去睇醫生 ~

里奧大人仲係 38 度   所以醫生話再發燒就要去照肺   咁我順便都睇埋啦   醫生話我咳起上嚟有啲喘   同埋已經變咗氣管敏感了 ~

睇完醫生就叫里奧大人坐低等我買木瓜   不過無得買就即去超市買蘋果啦   出到嚟見到水姑陪住里奧大人   但頭先佢明明已經走咗   佢真係好擔心里奧大人呢 ~

之後叫我買盒三餸飯   等里奧大人食啲蕃茄同魚有啲營養 ~

我哋搭的士番屋企   經過麵包店就買個紙杯蛋糕比里奧大人   咁佢唔想食餸都有個蛋糕食下呢 ~

等里奧大人沖埋涼   食咗啲餸就食藥瞓覺   我就擔心到食唔落喇 ~

我去買木瓜   感恩我買到 5 個   仲要個個都好靚添   之後再買埋紙杯蛋糕就番屋企喇 ~

里奧大人食完藥瞓咗 1 個鐘到就起身   之後話感覺好好多呀   感謝主 ~

煤氣師傅 3 點到咗   好快就裝好呢 ~

我同里奧大人講話頭先水姑打嚟   話再微燒就要入醫院㗎喇   我真係擔心到手都震呀   之後我都忍唔住爆喊呀   我話好嬲自己傳染比你呀   你病到咁辛苦   佢話唔關我事   話呢排無咩休息就好易病啦   依家食咗藥真係好番好多呀 ~

本身已經買咗 3 個 ($20)   後尾再行就見到有檔仲靚嘅   諗住買 1 個 ($12)   之後佢話買 2 個就 $22   咁我買 2 個啦   難得有靚嘅木瓜嘛

難得里奧大人話好食   所以買 3 個比佢喇

抖陣又執下嘢   差唔多 7 點先開餐呀 ~

水姑打嚟話聽日買木瓜比我哋   我話已經買咗 5 個喇   同埋里奧大人都有胃口食嘢   佢即刻話放下心頭大石呀   同埋叫我千奇唔好煮飯   因為我都仲病緊   之後又話聽日嚟探我哋   我話唔駛啦   唔好滕嚟滕去咁辛苦   自己搵朋友玩下食下啦   佢話求下妳啦   妳比我嚟啦   好搞笑呀 ~

洗埋碗又執下嘢   差唔多 9 點先沖涼休息   再睇陣 Youtube   睇到 12 點先瞓覺 ~