魚蛋米 ($37) - 大家都無胃口 但就想食啲濕嘢呢
蠔油菜心 (+$12)
今朝 7 點半起身 沖埋涼就食早餐喇 ~
尋日買咗提子包比里奧大人 但原來佢自己都買咗 咁我今朝就食埋去啦 ~
里奧大人仍然發微燒 所以我自己去醫院喇 ~
8 點半就出發 雖然 9 點半到醫院餐廳集合 但我驚塞車 所以 9 點都到餐廳 之後家姐 姐夫同我差唔多時間到添 ~
諗住家庭醫生今日放完假就睇啦 但點知唔應診只可以配藥 咁里奧大人要自己去拎藥喇 ~
細舅父母一早到餐廳 不過我哋唔食嘢就唔入去啦 大食一家 大舅父母 大細表妹 表弟兩公婆 最後係細表妹兩公婆都到埋 估唔到 9 點 20 分已經齊哂人 所以有間房比我哋 唔駛我哋企喺出面 ~
一入到房就坐低一陣就由職員帶領我哋做儀式啦 祈禱同裝香 見埋婆婆最後一面就完成 過程真係唔駛 10 分鐘 之後就上車去和合石 ~
去到坐低放個袋 等埋兩個舅父按制就祈禱同裝香 儀式又係好快完畢 之後去紅磡食纓紅宴 ~
我同家姐 姐夫 大食 大姨細姨兩公婆同細舅母坐一枱 估唔到細舅母真係好多嘢講 食嘅時候又話要咁咁咁 不過我好攰都無咩點傾偈呢 ~
食到 1 點就走喇 番到屋企都抖下先 里奧大人仲係有微燒 叫佢食個包再食藥再瞓覺 希望快啲好番啦 ~
我執下嘢又已經 6 點 感恩里奧大人都想出去食啲嘢 食完去佢公司拎啲嘢喇 ~
番到屋企就沖涼休息 里奧大人一唔食藥就發燒 所以我雖然 10 點都想瞓 但最後 11 點先敢瞓覺呢 ~
沒有留言:
發佈留言