( 6-OCT-2026 TUE )
感恩一覺瞓到 7 點 21 分呀 所以起身好精神呀 哈哈 ~
早餐食焦糖丹麥酥+烚蛋 食完去里奧大人公司坐陣先番工 ~
菇場忙下停下 最鍾意咁樣 ~
Lunch Time 蒸完飯就出去買菜 之後買埋雞骨草就番菇場開餐 lu ~
唔忙又做自己嘢 依家天氣涼涼哋 所以覺得菇場特別凍咁呀 ~
放工即走 里奧大人去做機 咁我可以慢慢煮喇 ~
是日晚餐 - 燒汁炒豬梅片 + 蠔油燜蠔豉 + 菜心
燒汁炒豬梅片 - 完全唔記得有包豬梅片 好在依家清冰格見到咋 ~
蠔油燜蠔豉 - 咁樣食都唔錯 但其實加埋冬菇仲好食 不過我懶唔想整咁多嘢 ~
菜心 - 依家又鍾意食菜心 呢個菜檔啲菜係有菜味 最緊要係夠近呀 行完街先去買就最好 ~
洗埋碗就開機洗衫 里奧大人就熨衫 ~
今晚特登唔食飯 因為要留肚食芝士蛋糕呀
睇下 Youtube 又 10 點半 係時候瞓覺 lu ~


沒有留言:
發佈留言