感恩今次煲嘅蕃茄湯都甜呀
今朝瞓到 10 點半起身 里奧大人話仍然發微燒 所以我即刻出去搵診所 始終星期日無咩診所開嘛 ~
諗住去嗰間又無開 所以即去另一間兒科 咁我問睇唔睇大人 ?! 佢哋話睇呀 所以即刻叫里奧大人嚟睇喇 ~
我同里奧大人講話勁驚唔睇大人呀 之後佢話平時睇嘅家庭醫生都係兒科醫生喎 哈哈 ~
原來里奧大人係冠狀病毒 醫生話唔算嚴重 叫佢飲多啲水同食蕃茄 ~
拎埋藥即走 我叫里奧大人番屋企休息先 我就去超市買埋蕃茄先番屋企 ~
差唔多 12 點 15 分先食早餐 其實唔餓 不過要食啲嘢先有氣力 ~
雖然我都未好得番哂 但感恩今日都精神 咁起碼可以照顧里奧大人嘛 ~
里奧大人午餐食提子包 食完再食藥就瞓覺喇 ~
我瞓咗陣就煲蕃茄湯 之後再熨衫 個人郁下好似無咁攰 ~
里奧大人 5 點半起身 咁我話買通粉比佢食喇 ~
等佢食完再食藥 抖陣又要瞓覺 成日微燒真係好攰 ~
我睇陣電視 之後開埋機洗衫就沖涼休息 今晚 10 點 15 分都瞓覺 lu ~
沒有留言:
發佈留言