XO 醬蜜糖豆百合炒斑球套餐 ($90) - 呢個好味道 最緊要啲魚唔腥
豉汁涼瓜燜火腩套餐 ($84) - 又係我叫㗎 諗住里奧大人鍾意食 可惜佢無咩胃口
豉汁蒸鯧魚套餐 ($101) - 晴姑話食條魚 我當然無問題啦 呢條魚都好大條
尋晚瞓得麻麻哋 但瞓到 7 點都起身 lu ~
買埋早餐就去里奧大人公司 依家食三文治食到有啲驚 但又食唔落米粉喎 ~
菇場唔忙就好喇 月中開始病又多嘢搞 加上里奧大人唔舒服令我好擔心 其實依家仲未好番 所以真係攰到不得可了 ~
放工搭地鐵去油塘 因為約咗叔叔嬸嬸拜爸爸媽咪 但我叫里奧大人唔好去呀 今日好熱又曬 真係要好有體力先行到 同埋約咗晴姑佢哋 5 點嚟整嘢 佢喺屋企等好過 ~
本身約咗 1 點 45 分喺 A1 出口等 我 1 點半去到諗住買件蛋糕食啦 點知睇完又唔想食 之後一轉身就見到叔叔嬸嬸到咗呢 ~
感恩有 14S 巴士 如果唔係搭的士落嚟都煩 上次等咗半個鐘先有車呀 ~
叔叔嬸嬸每次番嚟都會預時間去掃墓 佢哋真係好有心 今次佢哋送堂妹們去機場 之後就搭地鐵過嚟 我之前話如果太頻樸就唔好嚟喇 佢哋記掛住爸爸媽咪就夠㗎喇 但佢哋話點都要嚟 我真係好感動㗎 ~
今日雖然熱但就有風 所以好舒服呀
逗留咗 20 分鐘就走喇 一齊去大本型食下午茶 ~
太興要等十幾個位 咁我話去另一間啦 好在叔叔睇到樓上有間冰室 咁就入去食喇 ~
粒粒磚西多士 ($34) - 我想食甜嘢
焗鮮茄豬扒飯 ($53) - 嬸嬸叫㗎 我食咗少少覺得好味道呀 嬸嬸話喺加拿大食一碟要 CAD20 仲要無飲品 所以佢覺得好平 哈哈
輕盈下午茶 ($35) - 叔叔話熱呀 所以只想食呢個餐
嬸嬸話我煮嘢食好叻 話堂妹成日睇我 FB 嘅相 我話我煮嘅係小兒科啦 基本上係人都識煮囉 ~
之後嬸嬸話佢哋啲菜係無菜味 要等某一個時間先有靚嘅菜 但就貴好多 不過有時想食都會買 因為好想食有菜味嘅菜 哈哈 ~
佢哋都有睇 "東張西望" 仲話點解有咁多情騙 ?! 同埋一定睇香港新聞 所以有時係佢話番比我知添呀 ~
食下傾下又已經 4 點 因為嬸嬸約咗表妹食晚飯 所以都要走 lu ~
送埋佢哋搭地鐵就搭小巴走人 買埋鴨梨就先番屋企 咁又已經 4 點半了 ~
約咗晴姑同晴公 5 點嚟整嘢呀 Y 姑都嚟埋 仲買咗鴨梨比里奧大人 我話頭先仲特登番轉頭買添 ~
里奧大人佢哋整嘢 我就同晴姑傾偈啦 佢話我個樣好病呀 話初初識我嘅時候係白裡透紅皮膚好靚 我話都幾十年前啦 皮膚唔靚就慘咯 又話我依家好似媽咪個樣 我話家姐啲同事見過媽咪 再見到我就話我勁似媽咪㗎 ~
整到差唔多 8 點 但要執買嘢先再整到 所以我話食完飯先再整啦 ~
食完就繼續整嘢 晴姑就送 Y 姑搭的士番屋企 ~
今晚整到 10 點半呀 之後晴姑又嚟埋 但咁啱整完 所以我哋送佢哋搭的士喇 哈哈 ~
我又整下呢樣嗰樣先沖涼 咁再睇陣電視 差唔多 12 點先瞓覺 ~
沒有留言:
發佈留言