住家飯 @ 奶奶屋企 ( 19-APR-2008 )

尋日無啦啦勁多嘢做...仲要係臨收工先多嘢做果隻喎...搞到我幾緊張呀...唔係驚做唔切...而係唔想阻住我見屋企人嘅時間啫...

 
里奧大人要去我媽咪屋企附近洗牙...可以順便帶埋啲手信...洗完牙仲可以去媽咪屋企 Hea 下...而我就放工番屋企 Join 埋里奧大人同媽咪一齊去奶奶屋企食飯...最開心係可以帶埋深愛嘅朱朱一齊去嘛...

去到傾下偈又食飯喇...有魚 + 豉油雞 + 燒肉 + 菜 + 蕃茄薯仔魚湯...清清哋...啱哂我...

8 點幾要走喇...因為媽味要趕住番屋企睇 "古靈精探 " 大結局呀...

番到屋企煲中藥...煲完都成 11 點...再睇下電視就諗住瞓...點知...里奧大人居然食豬肉紙...幾吸引呀...遞咗兩次都忍到...但遞第三次...終於忍唔住要食喇...真係好似紙咁薄...好好味... 

今朝自己食早餐咋...食芝腿治烘底 + 好立克 ($15) 

到公司淨係 MSN...上網...遊 Blog...個個都係咁...不如改為 5 日制好過啦...慳番啲電費...環保嘛...

放工即走啦...因為好想快啲見到里奧大人呀...