尚壽司 + 跑步機

番到屋企執下嘢抖陣又到食晚餐 lu...星期六 d 時間真係過得好快...番工又唔見過得咁快喎... 
突然好想食壽司...但新開間壽司店次次到食飯時間就會好多人等位...所以六點幾就同里奧大人一齊出發喇...好在有位...係門口位...好過無啦...講真...如果要等位就走架喇...因為我好憎等位

其實仲未肚餓...所以係咁易叫咗吉列蝦壽司 + 海謄軍艦 + 火炙鰻魚壽司 + 三文魚壽司 + 蟹捧壽司 + 腐皮壽司 + 蔥吞拿魚小魚生飯 + 蜜汁甜蕃薯 ...埋單 $130...都抵喎...又幾好味...因為 d 飯唔係大大舊咁...唔係食飯都食飽呀


番到屋企抖下又出去做運動喇...正


唔知做咩...十點幾突然好肚餓...頂唔順食咗個福伊...   
 
  

今朝里奧大人九點鐘就起身讀書喇...我就繼續瞓囉...諗住里奧大人會叫醒我番教會...但當自己起身時已經係十一點幾...點趕都趕唔切啦...出街都無早餐食啦...咁唯有我煮囉...煮腸仔炒蛋福伊 ...賣相唔掂...但勝在愛心搭夠...所以好好食

食完早餐...里奧大人話抖一個鐘去做跑步機...話做完運動精神 d 喎...咁健康喇喎...咁當然會陪佢一齊做啦...做咗大半個鐘頭就去買餸...買豬展 ($22) + 南瓜 + 紅蘿蔔 ($18)  同半磅腰果 ($27)...本來想買粟米...但 $8 支咁貴點買呀


番到屋企用埋我餘下嘅精力去拖地...之後沖涼睇報紙...爽呀