食食食 ♡ 台北 Day 3 (15-apr-2008)

台北 Day 3 (15-apr-2008)

9 點半起身...食埋酒店嘅早餐...牛肉麵...又估唔到好好味喎...d 麵好煙韌呀...正!!



食完又打的去台北車站...再坐公車 (巴士) 去九份...又要坐個幾鐘頭先去到呀!! 山長水遠去到...唔肚餓都要食呀...食綜合丸麵 ( 貢丸 + 墨魚丸 + 豬肉丸 )...墨魚丸正都不得了...所以再食多碗...唔好以為用碗做單位會係好多粒...實際上1 碗得 3 大粒咋...不過食得太多墨魚丸會好漏...都係小食多滋味好嘅~!!

( 綜合丸 - 貢丸 + 墨魚丸 + 豬肉丸...超彈牙又好味 )

( 貢丸 - 好多餡...又唔油...香港果 d 係好多油喺裡面架 )

( 再黎一碗墨魚丸 - 因為實在太好味...好有墨魚味...又彈牙...去九份必食呀 )



食完再食炸臭豆腐 + 紅糟素肉圓 + 雪條 + 粉圓...食完就買有機葋蒻同八仙果做手信就走喇!

( 炸臭豆腐 - 香口...但好乾 )

( 紅糟素肉圓 - 餡係南乳齋麵根...都幾煙韌...但超多油 )

( 粉圓 - 糖水唔甜...好味...粉圓又煙韌...一定要食...因為自己勁鍾意食 )

再轉公車到金瓜石...純粹影相...無咩特別!!

之後坐公車番台北喇...喺車度瞓咗陣...精神好多...落車第一時間又係買珍珠奶茶...再殺入去鼎泰豐...食冷盤 + 兩籠蟹粉小籠包 + 小籠包 + 菜肉雲吞湯...NT$740 咋 (約 HK$196)...今餐真係好滿足呀!!

( 珍珠奶茶 - 外賣手挽好方便 )

( 冷拌 - 爽爽地...幾好味 )

( 蟹粉小籠包 - 一口一個...皮薄多汁...超正正正正 )

( 小籠包 - 一樣係皮薄多汁 )

( 菜肉雲吞湯 - 好清...好好味...又係皮薄餡靚 )

食完行下又打的番酒店抖抖...之後再去西門町...同銅鑼灣無分別...所以無咩特別去行...不過見到有魷魚羹同魯肉飯...咪又食下囉...里奧大人又話再食多次柯仔煎添...但...其實我真係好鬼飽...但又好想試魯肉飯...所以拚條命都去食!!

( 魯肉飯 - 細細碗...甜甜地...好食過自己整好多呀 )

( 魷魚羹 - 好似魚肉豌仔翅咁...不過係豬肉釀魷魚 )

( 蚵仔煎 - 都係士林夜市好味 d )


特登去西門町...點知無咩特別嘢睇...不過又見到鹽水雞...所以買番酒店慢慢食!!



時間尚早...所以就行到老遠嘅 Carrefour...去 Supermarket  買咗牛頭牌沙茶醬 (通少 : 我終於買到喇)...好大罐都係 NT$160...不過唔知香港 City'super 買幾錢喎...之後再買 2  Pack 蒟蒻粉 + 粉圓 + 2 pack 蒸肉粉就走喇...蒸肉粉好平...1 份 3 盒嘅價錢仲平過香港 1 盒...唔買係絕對無可能呀!!

聽日要走喇...所以早 d 打的番酒店執嘢!!

行程完畢!!