被迫的泰國菜 + 跑步機

被迫的泰國菜 + 跑步機

我呀...一早諗好咗煮咩家嘛...但尋日里奧大人去聽 seminar...所以同我差唔多時間番到屋企...仲強調話想早 d 食飯 早 d 做運動...咁唯有出街食囉...話食泰國菜喎...都好丫...橫掂想食辣嘢

食咗沙爹炒大蜆 + 馬拉盞炒通菜 + 酸辣鳳爪 + 印尼炒飯 
其實都幾搞笑...泰國菜無泰式炒飯...反而有印尼炒飯...不過都幾好味嘅...但個炒蜆就好失望囉...又話大蜆...細隻到不得了...話炒蜆咪算囉...呃人...個鳳爪初初食就好辣...之後越食越甜...好怪咁...埋單 $150...都 ok 啦...
食完番到屋企仲要每人飲一大碗隔夜湯先可以去做運動...今次又係做半個鐘跑步機...番屋企沖熱水涼...再一路食蘋果一路做腳底按摩...好 relax 呀...

   

      

晨早流流肚屙呀...肯定尋晚食得太辣所致...唉...仲想去台灣時食麻辣火鍋添
今朝食芝腿治烘底 + 咖啡 ($15)...呢排飲親咖啡都想嘔...但實在太攰...無辦法...不過我只係飲三分一啫...太多都受唔到呀

番到公司又幾忙喎...因為一路做一路 msn...而寫 blog 就留番 lunch 之後先寫...不得不讚自己...因為時間分配得實在太好喇

媽咪煲咗北芪當參豬展湯 ...所以晏晝同媽咪去美心皇后飲茶...食懷舊燒腩卷 + 柱候牛雜 + 潮州粉果 + 紫米露 + 馬拉糕 ...埋單 $142...今次我請...因為唔想媽咪用錢

番到公司做埋 d 手尾就開始專心寫 blog 喇 


閒話一則 - 依家用係屋企或者出街食飯會用公數 (即係家用)...所以我特登買個我好鍾意嘅銀包仔分開 d 錢...但唔知點解里奧大人好怕拎住個銀包比錢呢