做冬 @ 媽咪屋企 ( 10-DEC-2011 )

鮮蝦 / 安格斯肥牛 

墨魚滑 / 蜆 / 羔蟹仔 / 泥猛 / 蟹籽丸 / 芝士丸 / 蜜糖腸 / 黑椒腸 / 龍蝦丸 / 墨魚丸 / 魚片 / 響鈴 / 新鮮炸魚卷 / 炸魚片 / 西洋菜餃 / 魚皮餃 / 韭菜餃 / 水餃 / 雲吞 / 炸魚皮 / 芋絲 /金菇 / 油麥菜 / 唐生菜 / 蒜蓉 / 指天椒 / 蔥花 / 沙爹 & 芫茜皮蛋湯底

想買張床仔比寶寶好耐㗎喇   不過又懶出九龍城   估唔到上次喺菇場附近有間 Pet Shop 有得買   咁啱呢日又凍   啱哂啦   超感恩呀

仲以為佢裝乜   原來裝里奧大人呀   怕陌生人呢

( 10-DEC-2011  SAT )

今朝 Shopping 再食埋早餐   10 點就番到菇場   時間啱啱好 ~

老闆 Off   諗住 Hea 住過   點知又係有嘢做嘅   係咪咁邪呀 ~

放工同 8 卦一齊坐巴士去九龍灣   之後佢有佢嘅節目   我就番屋企執下嘢先   仲可以開機洗衫   天氣咁乾燥   尋晚洗完啲衫都乾哂 lu ~

今晚去媽咪屋企打邊爐   所以家姐就買嘢食拎咗去媽咪屋企先   之後再嚟同我哋食 Tea   咁我就帶爐同個煲去媽咪屋企   咁家姐食完 Tea 之後   我將所有嘢擺去佢架車   佢順便拎埋去媽咪屋企喇 ~
 
番到屋企即做嘢喇   就係煲雪梨蘋果山楂羅漢果茶   之後再熨衫   抖多陣就出發 lu ~

本來諗住同媽咪食泰菜做冬   不過天氣太凍   媽咪唔敢出街   媽咪叫我哋 3 個自己去食   我話咁食都無意思啦   不過一齊打邊爐好過   又熱辣辣 ~  

其實我覺得預備打邊爐嘅食物仲煩過煮一餐飯   因為好多嘢食都要一隻碟   洗起上嚟   加加埋埋唔少嘢 ~  

里奧大人今日超忙   所以一路食一路做   我都唔理佢喇   時間嘅嘢係自己安排   食餐飯都要邊做邊食   傾下偈都唔得咁   所以我哋都自己食先   佢埋位就自己再淥過 ~

差唔多 9 點 15 分里奧大人無啦啦話走先   好多嘢做   咁我其實一早應承咗家姐陪佢去淘大買衫   不過家姐仲有 2 隻蟹未食   所以家姐同媽咪叫我走先   我話我等埋都無所謂   但家姐話食得嚟再落去   人哋都收舖   都係叫我走先喎    咁我都走啦   聽日有時間再陪佢睇過   我都唔想買嘢買到咁趕 ~

今晚打邊爐食剩唔少嘢   所以我話我拎走   咁聽日就唔駛買餸喇 ~

番到屋企里奧大人第一時間做嘢   見到佢咁忙   都係為頭家啫   但見佢做到咩私人時間都無   想話陪我去超市買嘢都唔得   我其實覺得好唔開心   但又好心痛佢一星期做足 7 日   好在我都會體諒   又好慶幸間屋有啲亂   咁我可以執屋無咁悶嘛   屋企又好多書未睇   喺屋企都唔會悶嘅   如果真係好悶   都可以叫家姐嚟陪我   再唔係就去搵媽咪   都幾好   哈哈 ~