Babymama: 幸運感恩食食食精華遊 @ 馬來西亞.吉隆坡 DAY 5 (PART 2/2) ( 28-DEC-2011 )

2011年12月28日星期三

幸運感恩食食食精華遊 @ 馬來西亞.吉隆坡 DAY 5 (PART 2/2) ( 28-DEC-2011 )

( 28-DEC-2011 WED ) - PART 2/2

買完嘢就去番 KLCC 接小寶喇不過落雨有啲塞車同埋見到去 KL 果邊勁塞車啲車唔郁㗎阿表話有時會塞 3-4 個鐘添呢 ~

今晚食私房菜阿表話唔駛訂位不過原來小寶已經訂咗位因為驚呢日唔開呢好感動小寶咁重視我哋呀呢餐 Farewell Dinner 又係食得好滿足呢幾日真係不停食呀食飲呀飲今餐阿表仲問我啲餸辣唔辣唔係問里奧大人 ~

我哋早到咗啲員工食緊飯所以就喺出面影下相喇

酸芒果 (RM3) - 好味道好開胃呀

鹹蛋 Sotong (RM15) - 超香鹹蛋味呀同埋唔係好油超正呀高脂高膽都唔理咁多喇

甘香啦啦 (RM15) - 好惹味呀阿表話甘香即係咖哩葉 + 蝦米嘅香味又係好好送飯嘅汁里奧大人食埋最後嗰幾隻佢真係好鍾意食呢

四大天王 (有 Petai - 臭豆 / 羊角豆 / 長豆 / 四角豆) (RM12) - 蔬菜又爽汁又好味我可以食哂一碟

Sambal 蝦 (RM22.0) - 個醬汁仍然好味   可惜啲蝦有啲霉囉


Asam 蒸石甲 (RM35) - 雖然我 Like 食魚   不過唔慣食啲汁   同埋我覺得好大條   有啲驚   所以阿表夾哂啲羊角豆比我食喇

招牌 Rojak 豆腐 (RM12) - 呢個豆腐超級好味   外脆內嫩啲醬汁好似係泰式辣雞醬   再加埋蔬菜絲一齊撈埋嚟食   又脆又爽又必汁   勁鍾意食   食咗唔少

桔仔酸梅 x 2 (RM10)

橙汁(RM5) - 阿表嘅遠睇以為芒果汁添 / 左邊係小寶嘅椰青 (RM6)

仲有白飯 3 碗 (RM3)

餐銀碼係 RM103.60 + 5% Govt. Svc Tax RM5.18 + 魚 ( RM35 ) Total RM143.78 多謝阿表 & 小寶

食完去 Tesco 買醬料好大間超市呀架車都大過人買滿成車嘢真係會好開心呢 ~

買完嘢就去 Sri Hartamas Lori 檔買榴槤我就自己過對面買 Mentos 因為香港唔見有 Black Mint 呢隻味道超勁薄荷味里奧大人話直頭通鼻塞添呀 ~

今次我覺得自己好勁因為得我自己去買仲格埋價因為我第一次喺 KK 經濟超市買係 RM2 而 7-11 要 RM2.2 Tesco / Watson's 同萬寧就 RM2.5 Jusco 好似要 RM2.8 我真係好想買嘛所以見到 Caring 就入去睇好感恩係 RM2 我買埋 Lime 同 Orange 味 Total 買咗 18 條 Cashier 好細心幫我睇 Expiry Date 添呀又問我係咪本地人點解會咁問嘅 ~

今晚 Last Day 食貓山王喇所以要比自己食到驚呀 ~

又係買去阿表屋企食呀我一入到阿表屋企就自己着拖鞋問都唔駛問就着拖鞋里奧大人話我好似好熟咁因為我知粉紅色係我嘛 ~

我忙 Pack 箱阿表又要預備撈生小寶同里奧大人就忙搵 Line 各有各忙而我同里奧大人都係第一次食撈生咋一齊撈一齊講恭賀說話仲拍埋 Video 真係好開心好好笑呀 ~

食完金字塔食撈生再食貓山王 我一早講咗要食 2 粒所以阿表想買 2 粒比我好在里奧大人出手制止因為今晚嘅貓山王好大個同埋我食到已經想爆肚有啲呆呆哋我哋今次食完仲試下用粒核洗手阿表同里奧大人洗完無味喎但我仲有嘅之後阿表同我講話要用核嗰邊洗手唔好用黐住肉嗰邊洗我唔會咁蠢呀嘛點解阿表會咁講㗎哈哈 ~

金字塔 - 阿表話呢飯好香椰漿味哈哈我完全唔覺呀因為晚餐未落格又要食咁大嚿飯