Babymama: 幸運感恩食食食精華遊 @ 馬來西亞.吉隆坡 DAY 2 (PART 1/2) ( 25-DEC-2011 )

2011年12月25日星期日

幸運感恩食食食精華遊 @ 馬來西亞.吉隆坡 DAY 2 (PART 1/2) ( 25-DEC-2011 )

( 25-DEC-2011 SUN )

行程 : 酒店早餐 --> 阿表屋企 --> 陳秀蓮大樹頭蒸魚頭 --> 布城 (Putrajaya) -->回教堂 --> 新行政區 --> 首相署 --> Look Out Point @ Ampang (KL 夜景) --> Steven Corner @ Pandan Indah --> 買 Durian Kunyit (貓山王馬來名) by Sri Hartamas Lorry (貨車檔) --> 阿表屋企 --> Corus Hotel

我去旅行好鍾意喺酒店度食早餐因為我覺得好有旅行 Feel 喺香港唔會喺酒店食早餐家嘛 ~

今朝 9 點 45 分起身梳洗之後就食早餐估唔到早餐都好好食因為有我最愛嘅 Sambal 不過呢度食早餐嘅人嘅有好雄厚嘅食力我地食完一轉米粉第 2 轉已經無 lu 同埋無再 Refill 囉只係果汁有 Refill 咋 ~

尋日無時間影酒店今朝影下先差唔多 11 點半阿表小寶又嚟接我哋出去玩因為里奧大人有 Urgent 嘢要覆所以要去阿表屋企先呀 ~

首先去咗小寶公司附近 (Solaris Dutamas) 落車影下相經過 (Publika 商場) 又有好多食店最正係樓與樓之間好闊喺度番工真係唔錯 ~

全 KL 最大回教堂

之後就去阿表屋企小寶又比咗張電話卡我又唔收我錢咁即係今朝好早出去買卡啦真係搞到我哋好唔好意思好似咩都要人做咁雖然我知佢哋唔介意但真係唔鍾意人哋記掛我哋啲嘢而煩到佢哋囉比完張卡我地就當然要正式參觀阿表間屋啦好光猛望到藍天白雲真係好開心如果我朝朝都望到藍天白雲我真係放假都會自己喺屋企煮早餐食呢 ~

麵包超人排排坐歡迎我哋呀

之後阿表又比咗一大堆零食比我地帶番香港真係唔好意思囉呢幾日已經打搞佢咃咁之前又要特登買零食比我喎如果我無咁為食阿表唔駛咁辛苦呢哈哈哈哈 ~

阿表整咗榴槤沙冰 Welcome Drink 比我哋飲超濃郁呀阿表話只係用 D24 但我都係第一次飲到最後一啖都仲有咁濃榴槤味囉 ~

里奧大人仲覆緊 Email 我都唔理佢喇阿表又好忙咁唔知整咩所以我都唔客氣同小寶一齊坐喺貴妃梳化一齊食炸魚片 Hea 到爆炸真係唔出街都無所謂之後里奧大人做完嘢就一齊食魚片玩 10 Shot 玩到出哂汗同埋笑到好攰呀 ~

炸魚片 - 阿表家鄉小食呀脆卜卜好味呀每塊有手掌咁大塊

100 plus 對里奧大人好重要所以阿表一見里奧大人就比佢呢有里奧大人就有 100 plus

我哋差唔多 3 點幾先去到大樹下食蒸魚頭又係超好味如果同里奧大人喺香港叫送食飯佢唔會就咁叫魚同菜㗎一定要有肉呢餐佢都食到津津有味非常之難得難得 ~

比較平民嘅排屋對我嚟講都好大啦

青椒粒 - 無食呀唔知辣唔辣

蒜蓉 - 好新鮮嘅蒜蓉

青椒 + 蒜蓉 + 豉油溝埋一碟仔送飯白飯每碗 RM1

醬汁蒸鯇魚 (RM26) - 好大件呀同埋好厚肉個汁又惹味最正係一路蒸住嘛咁樣每啖都係熱辣辣正呀

冬蔭功蒸鯇魚 with 四大天王 (RM27) - 我都仲未接受到酸酸哋汁撈魚所以阿表差唔多夾哂啲羊角豆比我食知我好少食到嘛

馬拉盞炒蕃薯苗 (RM8) - 好爽脆啊超好味如果自己整到就好喇

北紫草涼水 x 4 (RM1.5 x 4) - 阿表話飲咩就飲咩因為我話要飲地道嘢

呢張 BB 櫈超穩陣呀不過其實張張枱腳都係咁呢

呢餐銀碼係 RM70.40 多謝阿表 & 小寶

有隻貓仔成日喺我哋張枱附近因為我着裙佢又成日黐埋嚟我唔敢摸街貓驚佢污糟呀之後個 Waiter 知我哋驚佢 "北" 咗杯好熱嘅水我以為佢淋隻貓仔原來佢喺倒落地嚇佢之後隻貓仔真係無再行埋嚟 ~

食完又出車去回教堂 個建築物好靚本來想入去影相不過佢哋要祈禱念經要 5 點半先可以入去咁我哋都唔會等所以又周圍行我好想買沙龍所以入去 Shopping Mall 行下不過我覺得貴唔捨得買啱款但啲質料又唔啱之後里奧大人叫我唔好嘥時間喎去第度睇嘢好過 ~

回教堂