幸運感恩食食食精華遊 @ 馬來西亞.吉隆坡 DAY 1 (PART 2/2) ( 24-DEC-2011 )

( 24-DEC-2011  SAT ) - PART 2/2

買完就行下 Star Hill Gallery   全部係買名牌   連 Food Court 都靚過人呀 ~

行完就去阿羅街 (Jalan Alor) 明記食燒魚   阿表驚我哋坐出面多塵又有車   同埋有人食煙   所以坐室內有冷氣嘅   下次就要坐出面   因為會熱鬧好多   最緊要夠地道 ~

燒蒲魚 - 我之前食過好腥又多骨   但今次食到啖啖肉   同埋口感 "鞋鞋哋" (實肉)   我最 Like 呢   蘸埋汁仲正


燒雞魚 - 個名好恐怖   不過啲肉好厚身   又 "鞋鞋哋"   我又 Like 啦
   

四大天王 (四角豆 / 蘆筍 / 長豆 / 臭豆) - 第 1 次食   超惹味   不過阿表話今次其中一樣轉咗為露筍

燒雞翼 - 好滑呀   不過可惜掛住影相   凍咗啲囉   但蘸咗汁   凍咗都好好食呀   我最愛係啲汁呢

沙爹串燒 (牛肉 / 雞肉) - 肉就無咩特別   最緊要係食沙爹醬之嘛   但又係掛住影相   啲醬汁凍咗   不過都好香   同埋我鍾意有花生香呢  

燒豆腐 - 外脆內甜好得意呀   阿表話係甜甜地嘅 Rojak 醬   食到最後仲係脆   同埋唔油   正呀   我好鍾意食呢啲外面好脆而入面有濕濕哋嘅豆腐呢

蠔煎 - 阿表話今次噂蠔仔好細隻   主打唔係食佢嘛   所以無咩特別食真佢嘅味道   但里奧大人就好愛食蠔煎囉

椰青 - 阿表㗎   我無飲

莎莉水 - 今次問阿表有咩地道好飲   佢介紹咗呢杯   真係好好飲喎   但依家唔記得咩味添

酸梅桔仔水 (好似) - 又係好飲

7 號就係莎莉喇   我覺得個樣好似青檸

呢餐銀碼係 RM1xx   多謝阿表 & 小寶

條街超多人呀   應該係平安夜關係啦   第日又有假期   所以好多人出嚟玩   之後經過 Pavilion 又影下相   一樣咁多人呢 ~

一睇就知係代表埃及

阿表話我知法國啲圖案係突出來㗎   我再去影

之後又繼續開車搵榴槤檔   不過阿表食開嗰檔無開   之後再搵多檔又無開   一致認為係聖誕節外遊   不過阿表知我想食   所以仲不斷咁搵   真係唔好意思   因為我認唔到路嘛   以為係番酒店   原來佢哋係搵完一檔又一檔   好感恩有貓山王呀   但剩番好少咋   好在阿表小寶識揀   佢哋會聞一聞   篤一篤先買   如果開咗唔靚可以唔買   如果喺香港   開咗唔買真係鬧埋全家呀 ~

呢檔榴槤唔靚   所以阿表又再開車搵過


終於搵到喇   得番幾粒貓山王咋 (粒=個 )   我哋開咗 2 粒嚟食呢

第 1 次食貓山王   一試難忘兼愛上啦   出面有層薄皮   肉質 Creamy 又帶甘   就係咁   我話要每晚重點節目係要食貓山王做消夜呢

有果王就必有果后山竹   不過我唔識揀   同埋食山竹好煩   個殼好硬好難拻   都係唔食算喇

RM18/Kg   開咗 2個   Total RM79   多謝阿表 & 小寶

始終坐喺街邊食   所以阿表已經比咗心理準備可能有巨強或者米奇老鼠   點知一坐低已經有隻巨強行過   但就唔係行我嗰邊   同埋有阿表喺度我都無咁驚   因為佢會消滅巨強   之後食食下有大強飛過我哋方向   我同里奧大人都好驚   好在佢飛得好高同好遠   之後仲驚嚇   小寶無啦啦指住里奧大人後面方向   我哋呢下係最驚最驚囉   原來佢係指個牌比我哋睇   佢食過咩品種   嚇得我哋吖   玩嘢 ~

我第一次咁樣坐低食榴槤   食完就將粒核掉落竹籮   感覺好豪邁咁呀   再望隔離枱有個男人好 Hea 咁食榴槤   比我感覺佢好似坐喺沙灘椅飲 Fruit Punch 咁享受呀   我食榴槤係當飯後果   所以食飽飯再食榴槤   而佢地可以當係正餐   我好難想像   不過我下次都想食榴槤 Buffet   香港無嘛 ~

未嚟馬來西亞之前   我日日同阿表講里奧大人話食榴槤驚熱氣   阿表話飲椰青會無咁熱氣   所以叫里奧大人食完都唔駛驚   但我居然唔記得飲椰青呢回事   所以阿表特登喺甲洞買 100 plus 比里奧大人飲   呢下我好感受到阿表真係好細心呀   Terima Kasih ~

呢晚 1 點幾先番到酒店   里奧大人諗住上網   因為小寶幫我哋睇咗話酒店有免費 Wifi   不過最後都係上唔到   所以都沖涼瞓覺   因為要抖足精神第日再盡情食過玩過呀 ~

呢日行程完畢 ^^