2011年12月31日星期六

柱候蘿蔔牛肋骨 + 羊角豆拌 Budu 醬 ( 31-DEC-2011 )

( 31-DEC-2011  SAT )

今朝 10 點幾起身   里奧大人唔舒服   所以要繼續瞓   同埋叫我自己食早餐   不過我又唔太餓   所以起身煲雪梨蘋果山楂羅漢果茶   咁比里奧大人潤一潤會好好多呢 ~

之後再洗衫   執嘢抹嘢   之後開始餓啦   食塊芝士就算喇   咁啱家姐又打嚟   我叫佢一齊食  Lunch   反正佢要比番小盆栽我嘛 ~

里奧大人話想食湯麵   咁去鐵匠食囉   食完家姐都上嚟屋企睇相   佢一路睇相   係醬汁咋   佢係咁話正   之後佢話越睇越餓   所以又一齊食零食喇   家姐同我口味好似   所以好多零食佢都啱食呢   本來同佢 Share   比佢帶番屋企   不過佢話一齊食先開心喎 ~

好在搞掂哂屋企嘢   咁就有時間寫 Blog   我好想快啲寫哂   襯我仲有印象嘛   我想憑自己記憶寫過去過邊度   食過啲咩嘢   不過阿表原來一早已經幫我寫埋   有 Back Up 實在太好喇   哈哈   里奧大人睇咗個 File 都好愕然   話阿表寫哂資料比我   我真係覺得阿表都好似自己去旅行咁呀   超搞笑 ~

6 點半預備煮飯喇   太耐無煮   要啲時間 Ready 呢 ~

是日懶餐 - 柱侯蘿蔔牛肋骨 + 羊角豆拌 Budu 醬

柱候蘿蔔牛肋骨
- 牛肋骨今日到期   所以清埋佢   本來想用巴東咖哩醬整   不過里奧大人喉嚨唔舒服   就咁用柱喉醬整咋   因為今朝燜定   所以好入味   特別係啲蘿蔔呢   里奧大人好鍾意食呢個餸   我都好開心呀 ~

羊角豆拌 Budu 醬 - 呢碟材料完全喺馬來西亞新鮮直送   Budu 醬係阿表家鄉食嘅醬汁呢   將醬汁 + 2 粒青檸  (Budu 醬等同用豉油份量)  調到酸中帶鹹   再加指天椒 (阿表教㗎   我無咁叻  哈哈)   但我調到自己果碟好酸   而里奧大人嗰碟醬汁就無味   不過我無再加 Budu 醬   就咁酸酸哋算數 lu   至於羊角豆淥到好林添   同喺馬來西亞食嘅口感完全唔同   嘥哂 ~

沒有留言:

發佈留言