DAY 5/6 ( PART 1/2 ) 幸運感恩食食食精華遊 @ 馬來西亞.吉隆坡 DAY 5 (PART 1/2) ( 28-DEC-2011 )

( 28-DEC-2011  WED )

行程 : KLCC (雙子塔) --> Little Penang @ KLCC --> 1-Utama Shopping (Jusco) --> Bangsar Venicia 私房菜 --> 撈生 @ 阿表屋企 --> Corus Hotel

今朝正想食早餐嘅時候   收到阿表 SMS   話已經喺我地酒店樓下   里奧大人以為自己睇錯   叫我再睇清楚啲   所以我打比阿表 Re-confirm   原來小寶 9 點半要喺雙子塔附近開會   所以阿表送咗小寶就嚟接我哋   不過就等埋我哋食完早餐先再出發   我哋梗係唔食啦   無理由叫人等   同埋我哋又唔餓   所以即沖涼洗頭   我要爭取時間見面呀 ~

差唔多搞咗 25 分鐘先出發   阿表話天色好好   又知里奧大人第一次去馬來西亞   無理由唔影雙子塔   所以就帶我哋去雙子塔影相   教埋我哋影   真係獲益良多呀 ~

呢個小朋友跌低   個媽媽只係輕輕吖咗一聲   之後等個小朋友自己起番身   真係值得其他父母學習呢  

睇見呢兩張相   我覺得父母真係由細開始到大個   都會好緊張自己仔女   我哋玩樂開心嘅背後   父母其實係一路睇住妳   唔會比妳出意外   就算出咗嚟做嘢   甚至乎做埋父母   佢哋都會好緊張妳呢   呢一份愛   真係希望個個仔女都知道   長大後會好好孝敬父母   細個父母拖住我哋隻手嚟行   而父母老咗   就由我哋拖住佢哋隻手嚟行呢

KLCC 入口

我食過 Roti Boy   我覺得超好味   所以同阿表講   佢又帶我哋食呢   食完一個已經飽   但里奧大人話仲可以食多過   不過我同佢 Share 囉   唔係佢一陣食飽又食唔到其他嘢呀 ~

今次去 KLCC 嘅 Little Penang 食早餐   又係好好味囉   不過我真係覺得好飽   有啲呆同作嘔作悶感覺   但我都會食   我講過咩都要試嘛 ~

Prawn Mee 蝦麵 (RM10.50) - 湯底好正呀   同埋又係好多料   阿表又比咗好多我哋   佢食得好細碗咋   所以我每餐個口真係無停過   一停就叫我食   又夾比我   想抖下都唔得  哈哈 

Char Koay Teow 粉粿條 = 貴刁 (RM10.50) - 無咩印象咩味道呀   因為我嗰刻覺得有啲滯   食咗碗麵已經好飽

阿表嘅 Barley Lime (薏米青檸) (RM3.80)
里奧大人嘅 Teh Taik 拉茶 (RM3.50) 
我嘅 Penang Coffee 白咖啡 (RM3.50)

終於可以用呢隻杯飲白咖啡   好開心呀


呢餐銀碼係 RM31.80 + Service Charge (10%) RM3.18 + 6% Govt. Svc Tax RM1.91  Total RM36.89

之後真係頂唔順要去買以羅   飲完即刻舒服哂   食力又番來喇   但里奧大人仲勁   臨離開 KLCC 前都要再食多過 Roti Boy   不過我好開心見到佢咁鍾意食   佢好少一次一樣嘢食咁多呢 ~

食飽又去 1-Utama Jusco 買撈生   又買埋即開放入杯嘅椰青   買下買下又幾袋   好開心呀 ~

出發

如果在 Tesco 買豬肉類   係喺某一角落呢   阿表唔講真係唔知呀

金字塔


好多湯包料

夾完再磅   試食都得

便當   

賀年花   仲有桔  

超多西瓜   同埋好大個

Pack 好咗嘅榴槤

即開椰青   見多人圍觀佢就拋高個椰肉入杯   諗住佢再咁拋   不過又無喎

好快起好肉


搞掂


撈生

香港嘅 Mannings   而馬來西亞就叫做 Guardian   不過一睇顏色 & Logo 都知係 Mannings 呢 


馬來西亞版大快活 ?!   手拖手好 Warm 噃   哈哈


Candy Shop 色彩繽紛超吸引   真係唔買都要入去睇下囉 

呢日未完㗎 ^^