板長壽司 @ 九龍灣 ( 22-DEC-2011 )

海鮮辣菜鍋 (泡菜湯底)  - 超鹹超難食

$10 轉烏冬 / 蝦天婦羅壽司 / 帆立貝壽司 / 三文魚壽司 / 珍味廣島蠔壽司 / 黃旗吞拿魚

 / 芥末鮑魚軍艦 / 貝柱軍艦

( 22-DEC-2011  THU )

冬至喇   之後聖誕   之後新一年   之後過農曆新年   真係好開心呢   仍都覺得時間過得好快   所以依家更加要好好珍惜自己最愛嘅家人 老公同所擁有嘅嘢呢 ~

我今朝特登早一個站落車   因為要買 Lemon C+ 汽水   4 罐 $9.9 咋   其實前晚已經買咗 3 Pack   尋晚同家姐講開   佢話好飲同埋佢都想買   咁我聽到當然要記住啦   好感恩菇場附近有超市   我買咗 7 Pack   其實嗰度仲有 3 Pack   不過我唔買啦   真係拎唔到囉 ~

早餐食腿蛋治   好在今朝 8 卦又嚟食   可以幫我拎汽水番菇場呢 ~

11 點幾收到 Email 會放 4 點   真係好鬼開心囉   Lunch 同 8 卦食麥記做冬   超熱氣呀 ~

家姐就好啦   公司請食 Buffet   之後佢同同事買嘢   差唔多 4 點就喺菇場附近   所以佢話接我放工   驚我重喎   咁我話今朝超市仲有 3 Pack 剩   過去睇有無   點知比人買哂   我就去媽咪屋企先   家姐就拎完藥番媽咪屋企喇 ~

里奧大人話放 5 點   差唔多 6 點半先走   咁我都走喇 ~  

冬至食中餐實多人   食西餐就會係食聖誕餐   所以最好食日式喇   實無人爭 ~

食到咁上下家姐又落埋嚟   之後一齊行下商場   我就番屋企洗衫先   里奧大人就陪家姐睇手機 ~

家姐今晚一定要上嚟我屋企   因為佢要拎我個小盆栽番佢屋企呀   唔係幾日無水無空氣唔得了 ~ ~
家姐上得嚟又打機囉   打打下無啦啦話我好勁   話短時間內洗衫  熨衫  晾衫喎   我話佢喺度咋   唔係想拖埋地添呀   佢 10 點就走喇   我就繼續抹嘢   之後再認真執行李 lu ~