熱熱熱。新加坡吃喝玩樂 4 天團 + 2 天自由行 DAY 2 (PART 3/3) ( 1-JUN-2014 )

( 1-JUN-2014  SUN ) - PART 3/3

好在新加坡夜晚無咁熱   可能我哋又沖完涼啦   感覺舒服好多 ~

我哋坐單軌電車出去 Vivo Center   彩虹妹妹叫里奧大人帶路做佢領隊   佢醒啦   唔靠我   哈哈 ~

Sentosa Express (單軌電車)  以港灣區的 Vivo Centre 為總站   往聖淘沙只需 4 分鐘   最快的交通公具   只有 4 個站   包括 Vivo City 站, Imbiah 站, Waterfort 站及聖淘沙站 <-- 天書咁介紹   里奧大人晏晝影咗紅色嘅列車

我夜晚就影咗綠色嘅列車   唔知係咪出同入嘅顏色唔同呢

得 4 個站咋

諗住去 Food Hall 食嘢   不過太多人   所以行咗超市先   我最鍾意行超市   特別係外國嘅超市   好大間   又多嘢睇   架購物車又大   我坐落去伸直對腳都得喎   咁當然我又矮呢   同埋轉彎都好考功夫   不過地方夠大   點轉都唔會撞跌嘢呢 ~

大大間 Giant   香港嘅超市係咁大間就好咯

SGD2   單位數好似好抵   但其實要 HK$12.4   我唔會買   因為仲有好多選擇 

放到咁高點拎喎

Mamee 麵必買啦   不過買住 1 包先   因為我覺得出面啲超市應該平啲

里奧大人最愛嘅 100 plus   買咗 4 支   因為買 2 支係 SGD2   單買 1 支要 SGD1.25   咁尋日喺 Cold Storage 買 SGD1.9 真係好貴   哈哈

24 包細薯片   寫明每款有幾多包   不過有啲啱食   有啲唔啱食   所以無買

行下睇下買啲嘢咁啦   彩虹妹妹無啦啦話我好鍾意買嘢   我好奇怪佢點解咁講 ?!   因為我真係買咗幾包零食之嘛   之後佢話里奧大人話佢老婆好鍾意買嘢喎   哈哈 ~

買咗 SGD33.05   今次要簽卡喇   唔想用哂啲 Cash   今次係我衰啦   好老定話唔駛兌換咁多錢   導遊實有得同妳兌換   點知原來米高叔叔無得兌換   搞到用錢要計住計住   不過好在新加坡買嘢唔平   都唔會話亂買嘢   啲錢用嚟食嘢多囉 ~

辛苦里奧大人幫我哋拎呢   話說如果要推購物車係要入按金嘅   但我唔記得幾錢喇    咁買完之後要推番原位先可以拎到錢 (好似)   我記得哋地目的係唔想啲人亂咁擺啲車   但里奧大人差啲唔記得拎   好在我提佢咋   雖然唔多   但都係錢   哈哈

買完就去食嘢喇   我哋唔想去大食代   所以去另一邊 Food Hall   嗰度分開 2 邊嘅   咁我哋即刻搵位   之後里奧大人負責坐低睇住嘢   我同彩虹妹妹就去買嘢食   不過好多都收檔   所以一有嘢食就買喇   唔係再諗下就無埋呢 ~

因為里奧大人坐緊嗰邊要 Close   所以我同彩虹妹妹買咗啲米粉放喺枱度先   佢再去買嘢   我就叫埋里奧大人過嚟   之後再一齊買過 ~

一早叫咗嘅龍眼冰同荔枝冰   買完哂嘢食   見到啲冰都溶哂 lu   買嘅時候超勁多冰㗎   成個金字塔咁呢

@  Cheng Long Food Enterprise 成龍食業
Spicy Fish Soup 香辣炸魚湯 (SGD4.5) - 都幾辣喎   天氣太熱   一定要食啲辣嘢先開胃

Fish Soup / Sliced Fish Thick Bee Hoon 魚湯 / 魚片粗米粉 (SGD4.5) - 湯底無咩嘅   所以要點辣椒豉

Fried Fish Thick Bee Hoon 炸魚粗米粉 (SGD4.5) - 炸魚好味   因為唔腥

我同彩虹妹妹再分頭行事睇有咩嘢食   我想食印度薄餅   不過等咗陣就放棄   因為我想要嘅都無哂   而彩虹妹妹就叫咗小棠菜   啲甜豉油好味呀

彩虹妹妹叫嘅雞腎 - 呢個麻麻   有陣味咁

之後再一齊買嘢食   左上角好似係 Mee Pok Dry 面薄干 (SGD4.2) - 辣辣哋唔錯

Minced Meat Noodle 肉脞面 (SGD4.6) - 撈埋一齊就好食   個汁都幾惹味

Mini Wok Noodle 小鍋面 (SGD5.8) - 魚片好味呀

一到 10 點連冷氣都無埋添   所以快啲食完快啲走喇   估唔到呢個商場都好早收   見到好多店舖都收咗 lu ~

又坐番單軌電車番酒店喇   咩都唔做就即沖涼   之後睇下電視   11 點幾瞓 lu ~

呢日行程完畢 ^^