熱熱熱。新加坡吃喝玩樂 4 天團 + 2 天自由行 DAY 5 (PART 3/3) ( 4-JUN-2014 )

( 4-JUN-2014  WED ) - PART 3/3

今晚約咗冰姑同 Penny 食飯   所以行陣 Bugis Street 就番酒店   沖涼抖陣就出發喇 ~

呢條 Bugis Street 係每日必經

環保袋 SGD10 有 3 個   超勁抵   仲要有埋拉練   所以里奧大人話唔駛諗啦   買啦

其實呢度買女裝多囉   所以里奧大人就最驚   哈哈  

印度廟   我覺得佢哋啲衫同飾物都好靚

里奧大人話唔敢影   我話怕咩呀   又唔係喺入面   影啦

印度廟隔離係觀音廟   滿天神佛

我搵緊 Supermarket 買杯麵嘛   我睇到 Supermart 以為係 Supermaket   仲好開心同里奧大人講添

巴打你好

因為好想買杯麵   但又搵唔到超市   所以要麻煩冰姑幫我買 15 個杯麵   差唔多出發先醒起   今晚冰姑仲買咗 4 個 Pandan Cake 比我   佢一個人拎咁多嘢   真係唔好意思   唉 ~

約咗冰姑 7 點半喺 OG (奇奧酒店) 出面等   原來阿蘭同豬仔豬女都嚟埋   真係好啦   今日先同里奧大人講   想同豬仔豬女影相嘛 ~

地標

原來呢度都好多嘢睇   聽日行下先

原來係去 Food Hall 食嘢   呢間 Food Hall 食物種類唔多   但就有我超勁期待想食嘅油渣麵喇   勁好味囉   豬油渣脆卜卜   唔理佢 3 高定 5 高   食咗先算   哈哈 ~

跟大隊搵食   我哋步伐全部一致   勁呀

肉脞面 (SGD 4) - 冰姑要河粉   我食咗啖   都好滑噃   不過我唔敢食太多   驚胃脹   咁之後就咩都食唔到㗎喇   呢個時候我最錫身呢   哈哈

鮑魚肉脞面 (SGD 5) - 呢碗係狗仔粉   即係銀針粉

我初初以為係辣菜甫   之後冰姑話係豬油渣   同香港嘅豬油渣唔同喎   不過呢個好食好多   依家諗起都想食

撈埋一齊食   好味道

冰姑叫㗎   唔知咩名堂   不過冰姑話知我要食菜喎

印度薄餅 - 同冰姑話想食印度薄餅   所以佢又叫喇   豬仔勁鍾意食   佢配給比我咋   但阿蘭話有啲"叔"味   食食下又似   但冰姑話係咁樣嘅味道

咖哩什菜 ?!   我無食呀   因為我主打食油渣麵   呵呵

小鍋面 (SGD 5) - 里奧大人話唔夠食   所以買呢個面   賣相一流   真係好滾熱辣咁   哈哈

左邊係荔枝 xx / 右邊係海洋 xx

阿蘭知我想食 Rojak 又叫冰姑買   Penny 又特登走勻哂 Bugis 買 Rojak 比我食   勁感動   同埋勁唔好意思啦   里奧大人話咗我幾次呀   麻煩到人嘛   咁又事實係   我都覺得自己好衰囉   要人哋周圍行 ~

我買比豬仔豬女㗎   佢咃即刻用呀   希望佢哋鍾意啦

冰姑買咗好多嘢比我呀   又要拎番一大袋走   所以一定要上冰姑屋企先   之後拎番酒店再 Join 番佢同 Penny 一齊再傾過 ~

總共叫咗 5 支   冰姑請㗎   我掛住傾偈   都唔知佢喺邊度買添   不過我飲 1 杯就夠喇   同佢飲咗 2 晚啤酒   我已經飲咗幾年嘅份量咯

冰姑驚我唔飽   又叫咗 Kaya Toast   不過我食唔落呀   最後冰姑要打包番屋企   比老豬做早餐   呵呵

今朝我特登叫里奧大人 send SMS 比老豬   約佢出嚟飲嘢   雖然我哋知佢夜放工   不過里奧大人話點都要約老豬囉   難得去新加坡探佢哋   無理由見唔到老豬家嘛 ~

老豬 11 點到喇   我見到佢即叫佢過嚟   里奧大人好奇怪點解我會認到佢   大佬   我有上 FB 家嘛   成日都見到阿豬㗎啦   同埋都會見到 Penny 同 Carmen   唔係點會認到佢哋呀 ~

雖然 Penny 斯斯文文   但都好講得下   里奧大人同佢好好傾添   佢話 Penny 講嘢慢啲   所以知佢講咩   冰姑同 Carmen 就講得好快   但聽到 8 成   不過我可能知道冰姑講嘢係好快   我又覺得無咩問題   哈哈 ~

衰冰啦   無啦啦講流動頭盔   笑到個個流眼水   條友講到真嘅一樣   又話阿豬要出嚟 Man 啲   所以頭先番屋企用 Marker 點啲 鬚根出嚟   笑鬼死呀   所以里奧大人話冰姑唔好怪老豬成日唔煮嘢比佢食   因為用 Marker 點鬚根都可能要個幾鐘   哈哈哈哈 ~

Penny 12 點幾走喇   我哋就繼續傾   傾到 2 點 10 分呀   真係要走啦   佢哋第日仲要番工嘛 ~

番到酒店真係要即沖涼瞓覺喇   里奧大人話瞓到自然醒   我話唔好呀   瞓到 9 點就得喇   我想再周圍行下嘛 ~

呢日行程完畢 ^^