熱熱熱。新加坡吃喝玩樂 4 天團 + 2 天自由行 DAY 5 (PART 2/3) ( 4-JUN-2014 )

( 4-JUN-2014  WED ) - PART 2/3

個天想落雨咁呀   咁啱冰姑 SMS 叫我帶遮   到我哋買飛嘅時候   職員話坐船睇動物可能會Cancel   所以叫我哋唔好買船飛  (SGD 10/Person)   因為如果買咗之後真係 Cancel 係無得 Refund 囉   好彩個職員提醒我哋呢 ~

里奧大人去買飛

唔好以為天陰陰無咁熱   其實都係好熱   哈哈

落緊雨

入口處
 

首先去睇魚   之後睇小熊貓 (Red Panda)   佢哋勁可愛呀   咁啱有工作人員餵佢哋食嘢   我真係勁想幫佢餵呀   同埋想抱佢哋   如果可以抱住佢哋一齊影相   我一定會影呀   實在超級勁可愛呢   睇見都好鬼開心   睇咗好耐添呀   哈哈 ~

入去喇

我見到有人影緊   我睇咗陣先知有隻動物喺度

唔記得叫咩瀨

我想睇呢隻龜   不過都見睇唔到嘅

之後就沿路行   睇下龜   睇下魚咁囉   不過無冷氣   所以我覺得比較辛苦   哈哈

我覺得佢個咀好似吸塵機

可惜落雨啦   唔可以去睇野生動物

呢條好似瞓咗喺度咁

啲牙好尖   比佢咬一下即死   可惜影唔到佢張開口個樣啦   佢真係好恐怖㗎

保護色咁噃

今日都有好多班學生   但唔會好嘈   真係聽話喇

好滋潤嘅樹葉

鱷魚咀好肉酸   好似生咗嚿嘢咁

我睇到入哂迷   哈哈

細路仔一見到啲巨魚就好興奮呢

我覺得佢好似唐虱魚   係我最驚嘅魚

真到好似假咁   哈哈

落緊雨都企定定唔郁   勁

呢隻好得意呀   我其實有好多都無睇到添   因為熱到無心機   好在里奧大人有影到咋

好長嘅 Elephant Trunk Snake
鱷魚 BB 好得意

呢條好似係鱘龍

去睇 Red Panda

好嘢   有生果食


快啲整粒嚟啦

等到我呆啦喂

唔係要我行埋去自己食呀嘛 ?!

呢粒都好好味噃




食到脷舔舔

佢啱啱瞓醒有啲餓   係咪有生果食呀 ?!

咁一齊食啦不如
                 

大佬仔   拋唔到咁高喎   你自己行落嚟食啦
              

咁質多幾粒入口先   唔想行上行落呀


同一動作


我覺得里奧大人影到佢哋好似 BB 樣咁
                   
                 

Cute 
                   

瞓覺 lu   條尾巴好靚呀

肥嘟嘟好得意呀

真係瞓喇


再睇熊貓 "凱凱" 同 "嘉嘉"   " 凱凱" 瞓到完全唔郁   勁嘆囉   但 "嘉嘉" 就唔見影踪喎 ~

好好瞓咁噃   吊住隻手嚟瞓唔攰咩 ?!

點解瞓極都有對熊貓眼   哈哈

原來熊貓出世係咁嘅樣   好得意呀

離遠望到以為係櫈   我太想坐喇

都見唔到凱凱嘅

天幕好靚呀

個場館嘅冷氣非常之夠   我覺得凍添呀   不過都唔捨得出去囉   出面實在太熱喇   哈哈   其實成日一冷一熱   真係好鬼易病   好在我都夠瞓   唔係就驚啲 ~

實在太得意   所以要翻兜再睇佢

望下我啦   我唔會再嚟㗎喇

樹起隻耳仔   唔通知我叫妳 ?! 

咁就乖喇

殘酷嘅現實又嚟喇

一條大直路

係一條好長好長嘅路

我完全睇唔到隻貓喺邊   後尾里奧大人指住   我先睇到

我唔敢入去呀   我好驚馬騮

不過里奧大人出嚟同我講話好細隻㗎咋

又要過冷河   睇下魚   影下相   最緊要係有得坐   咁就最好啦   里奧大人就周圍影

里奧大人好似影緊嗰兩兄弟咁   哈哈

勁呀呢   哈哈   好在無比人鬧咋

5 點到走喇   又坐番 138 巴士 ~

都幾多人等巴士

里奧大人一見到有車就行得勁快

頭先班車 Full 哂   所以呢班就無咩人

里奧大人見到啲人落車會嘟一次   但唔知上車駛唔駛嘟呢

坐前面個男人好好呀   有 2 個鬼妹無散紙   佢幫佢哋比埋錢呢

去到 MRT 站   想飲下咖啡   所以去 Coffee Kaki 坐下 ~

買呢個牌子嘅電話卡

Coffeekaki Toast Set (SGD4.4) - 2 pcs Brown Bread,  Kaya/Butter / 2 Soft Boiled Eggs / Kopi   我再加多杯 Iced Kopi

我要 Iced Call P 

   

又震又響提妳去拎嘢食   真係唔錯呢

原來係半生熟蛋   細個成日食   依家大個就少食咗   因為好驚食生蛋黃

其實對麵包真係無咩興趣   不過食呢啲咁薄就唔會好飽肚

最鍾意細細隻嘅杯

呢日未完㗎 ^^