熱熱熱。新加坡吃喝玩樂 4 天團 + 2 天自由行 DAY 6 (PART 1/3) ( 5-JUN-2014 )

( 5-JUN-2014  THU )

今日要番香港喇   所以 9 點要起身   想再周圍買下嘢食下嘢咁呢 ~

去番尋晚嘅 Food Hall 食早餐   原來里奧大人想食油渣麵呀   佢話尋晚食咗少少都覺得好惹味   所以留番哂比我食   今日佢要自己食一碗   哈哈 ~

冷氣夠哂凍   好似校咗 15 度   所以呢   所有鏡頭都濛哂   我比里奧大人話我呀   我叫佢 "何" 下個鏡頭咪得囉   呵呵

落緊毛毛雨   但都唔覺得涼

已經開始忙

大把工作枱   哈哈

我覺得佢背面好似阿蘭   原來我部相機鏡頭仍然係濛

水餃山

指天椒 / 蒜蓉辣椒豉油 / 豬油渣 - 全部係我最愛

圓碌碌早餐

好味呀   不過食到最後就好酸   因為有醋   尋晚唔覺酸㗎噃   之後問番冰姑   佢話佢唔鍾意醋   所以無落   做咩唔同我講呀

朝早食蒜蓉辣椒   對我嚟講都算激㗎

我叫里奧大人去買咖啡   之後里奧大人笑哂口話 SGD1 咋 (我睇番張相   明明里奧大人得 1 件白底相機圖案 Tee   點解佢會有件桃紅色相機圖案 Tee ?!   之後認真睇   原來係真相機   因為佢日日都係帶大細機出街   背囊重到爆   又熱   所以好佩服佢)

雖然好濃   但又好飲喎   因為唔澀口   SGD1 真係雙重驚喜   哈哈

實在太舒服喇   因為無咩人   即係可以靜靜哋食早餐   我最想要係咁呢

天色又好番啲咁噃   新加坡每日都會落一場雨   所以米高叔叔話好多樹都好靚   唔會咁快淍謝

唔係冰姑帶路   真係唔識去

可以坐出面   不過一定唔會係我囉

觴   係咪讀雙 ?!   讀書小呀   我未見過呢個字   定簡體字呢

里奧大人之前話 Bugis 有間梧嘈中心   個名好得意喎   叫 "唔嘈"   哈哈 

個地下好靚呀

呢座 Building 好靚   唔知係咪住宅呢   因為我見到有單位係開咗窗呀 

食完就番酒店執嘢喇   Check-out 放低行李就出去行下 lu ~

ibis Hotel 嘅 icon 係枕頭嚟㗎   因為我搭 Lift 嘅時候   見到 Poster 所有人都拎住紅色枕頭囉

呢度係酒店後面

一陣喺度坐的士去機場

附近都好多酒店

杯麵好 "牙" 位   差唔多放咗半邊喼   冰姑又特登買咗 6 罐 100 plus 比我哋   但我哋驚 Overweight   所以飲咗兩罐先   勁唔捨得呀   哈哈   因為香港依家要 HK$6.9   好貴囉

估唔到紅色袋仍然係脹卜卜拎番香港   因為冰姑買咗好多零食比我   太客氣喇   又買咗 4 個 Pandan Cake 比我同屋企人   寵壞哂我添   哈哈

間房係咪好細呀   左邊門係廁所   落床唔駛 10 步已經入到廁所   不過就真係好乾淨   乾淨最緊要呢

要走喇

今日主要喺 Bugis 區周圍行   唔想趕頭趕命去機場嘛 ~

撞哂色   哈哈

又見到地標

紅紅綠綠最易認   如果喺日光日白嘅時候

今次認真行 Bugis Street 喇   所以買咗 1 個袋 (SDG10)   之後要就住嚟買   因為驚唔夠錢   不過後尾見到有地方兌換錢   咁就唔駛驚啦   里奧大人叫我放心買   不過都係再買咗 2 件衫 + 1 對鞋   真係無嘢想買喇 ~

快啲行喇   爭取時間買嘢

啲袋真係好平   最啱用嚟落街用   不過呢間舖頭嘅袋有啲係 4 For $10   有啲就 $10 一個   我就買咗 1 個 $10 嘅間條袋   中間黑紅黃綠嗰個呢

估唔到最上層有個螢幕

無諗過會有啲咁嘅嘢買囉

呢度好有和風 Feel   但其實咩都有得買   我喺零食店隔離買咗把縮骨遮

呢日未完㗎 ^^