熱熱熱。新加坡吃喝玩樂 4 天團 + 2 天自由行 DAY 4 (PART 1/3) ( 3-JUN-2014 )

( 3-JUN-2014  TUE )

又係 8 點 Morning Call 呀   我哋都係早半個鐘頭起身呢 ~

我都係食呢個牌字嘅 Yogurt


有酒同酒杯   如果有人開嚟飲就搞笑

尋朝唔見有呢兩樣配料喎

今朝坐呢度食早餐   張梳化林到呢   一坐低就笠哂落去   所以叫里奧大人坐   如果我坐   驚佢睇唔到我   哈哈

又影幾何線條

我嘅早餐

牛角酥好味喎

自己去完大陸之後   我開始鍾意食粥   定係因為西式早餐食到厭呢   哈哈

Blueberry 味道   正呀

里奧大人嘅早餐   之後佢再食其他嘢   不過我無影 lu

我覺得呢幅好似單車

呢幅似鑽石

呢幅勁似 Pizza   滿腦子都係食食食   哈哈

食完就上房啦   沖埋涼執埋嘢就落大堂集合喇 ~

等 Lift 望到呢對鞋   唔通去飲 ?!

去朱古力專門店   不過啲朱古力都唔滑嘅   就算好味都唔買啦   咁鬼熱   變朱古力奶都似~

路牌好矮好得意

里奧大人直頭無入去添   想周圍影相多啲 ~

到朱古力專門店喇

米高叔叔話本身呢隻獅子真係用真朱古力整㗎   不過話啲人係咁摸係咁摸   最後摸到變咗老鼠咁細隻   所以之後整隻假朱古力獅子喎

我好開心咁同里奧大人講我係第 289 位   之後佢又睇自己嗰張   原來都係 289   即係所有團友都係 289 啦   哈哈

有 2 層高

真係太熱喇   所以見到朱古力都無咩興趣睇

之後出發去 Bugis   咁就發達喇   因為我哋可以去埋 ibis Hotel Check-in 嘛   其實我哋諗住放低行李   4 點先 Check-in   不過估唔到可以即刻上房   咁仲好   一陣可以兩手 Fing Fing 番嚟 ~

又話服務態度好好   但唔多覺

插卡上房   我覺得咁樣最安全

房間細細

得咁少空間放嘢咋
                       

好細部電視

洗手間都好細咋   但竟然有 Organic 三合一洗頭沖涼液   仲要係好香噴噴添

個 View 係咁嘅

冰姑話 ibis 對面有間 Canon   叫里奧大人可以去買嘢

Lobby

餐廳

好在尋晚冰姑帶咗我哋去一次 ibis 咋   如果唔係我哋都唔識去   同埋最正係唔駛一陣喺烏節路再搭車番嚟 Check-in 呀 ~

短短一段路   我都要買嘢飲   買咗杯葡萄汁   不過半杯係冰 ~

Bugis Station


坐住等巴士幾好呢

12 點上車   之後米高叔叔講下嘢   叫我哋買下嘢咁啦   米高叔叔金句 "身附感情債   唔買唔痛快"   不過其實係幫司機叔叔 Sell 嘅   咁無所謂啦   反正我又鍾意   之後佢再講埋下站係去食海南雞飯   之後就叫我哋休息   我其實上車無耐已經中緊眼瞓   我仲對住佢添   所以佢實會望到我想瞓   不過我真係頂唔到扮精神囉   彩虹妹妹都話 Feel 到全車人都瞓咗   因為全車靜哂呀   哈哈   無計啦   出一出去就成身汗   好難唔攰囉 ~

唔知咩梅汁   好好飲呀   喺新加坡真係要飲啲酸嘢   咁樣先開胃

白切雞

主角係油飯

黑豉油 / 辣椒醬都好好味

粉葛湯 ?!

三色蒸水蛋

蝦球好爽口呀

甜甜哋嘅骨

炒什菜   我食菜嘅話   就唔太鍾意咁杰嘅醬汁

呢日未完㗎 ^^