熱熱熱。新加坡吃喝玩樂 4 天團 + 2 天自由行 DAY 3 (PART 2/3) ( 2-JUN-2014 )

( 2-JUN-2014  MON ) - PART 2/3

12  點出發去食娘惹菜   完完全全係香港人口味 ~

又出發喇         

喺呢度食娘惹餐

得一枱人咋

班蘭飯 - 整色整水

魚蛋湯 - 每人一大粒魚蛋

呢碟係正宗娘惹菜嚟㗎   不過我唔記得咩名堂    我覺得似炸肉丸咁囉   無咩特別

居然有咖哩雞

炒蕃薯葉   我最愛

炸魚

炒椰菜花

仲有碟唔知咩蝦   不過太遠無影到呢

木薯糕   都唔煙韌嘅   次次食呢啲好似煙韌嘅物體   里奧大人都會叫我食先   如果煙韌就留比我食   不過呢啲都唔煙韌嘅   所以叫佢食番   哈哈

渣咋 - 米高叔叔強調新加坡渣咋材料係唔同香港嘅渣咋材料   咁反而我鍾意食新加坡渣咋噃   無咁飽肚   同埋身處新加坡好鬼熱   唔想食熱嘢    哈哈

商業區

食完飯就去 National Orchid Garden (國家蘭花園)   不過今晚約咗同冰姑食飯   所以我唔行上去影相喇   唔想成身汗囉   叫里奧大人影比我睇就算 lu ~

藍天白雲   感恩感恩

香蕉仔好得意

咁似頭先食嘅木薯嘅   哈哈

地下兩塊樹葉好似老鼠


好開心見到松鼠呀   叫里奧大人即刻影   但想影多張都唔得 lu   佢走得好鬼快

GINGER GARDEN

里奧大人同團友一齊行上去   我就去 Cafe 嘆冷氣   我叫里奧大人記得影多啲花比我睇呀

枯葉落到呢棵植物度   咁枯葉腐爛咗之後   棵植物就會吸哂佢啲營養

跳舞蘭好靚呀

恐怖囉

保護色

呢棵植物好得意   好似想捲啲人入去咁

終於可以番上車涼冷氣喇

我自己行番落去 Halia 餐廳飲 Ice Kopi   勁爽呀   之後彩虹妹妹落嚟陪我 ~

可以坐出面   不過我睇見到熱   哈哈

Iced Kopi (SGD8) - 我真係覺得貴㗎   不過為咗涼冷氣就無計啦   好在我留番半杯比里奧大人咋   因為佢成頭汗呀   唔知以為佢踢完波呀  

彩虹妹妹杯 Apple Juice 都要 SGD6   咁我當堂覺得自己杯 Iced Kopi 抵好多   哈哈

坐車沿途見到呢啲屋   原來係豪宅嚟㗎   不過住呢度真係一定要有車囉

3 點 lu   時間過得真快

呢個廣告好得意

建築物真係好靚

行多陣就走喇   出發去牛車水 (Chinatown)   即係唐人街   我覺得牛車水個名好得意   去到呢啲地方即係買手信嘅地方啦   里奧大人就勁驚   不過放心啦   我買咗好少嘢之嘛 ~

我買嘢時里奧大人就出去周圍影   佢情願影相都唔試食㗎   所以我幫埋佢食   勁開心   哈哈 ~

試食最開心   與此同時   里奧大人自己都唔知走咗去邊度影相 lu

買咗少少咁啦

平日無咁多人行就最開心   因為熱辣辣又多人行   真係無心機行囉

終於比我買到心水磁石貼   最緊要唔貴   又有特色   開心開心

里奧大人見到啲絲巾   就即刻話買比我同媽咪同家姐

里奧大人話影到比佢發現   呵呵   不過佢好 Nice 㗎   仲同里奧大人微笑

我雙眼真係只係睇嘢食   原來胡振隆上面嘅建築物係咁有特色   真係依家睇相先知咋

買完就同埋彩虹妹妹一齊去另一邊搵食   大家有個共同目標   就係要有冷氣   哈哈 ~

紅黑紅黑   人景合一

啲窗好靚呀真係

呢度多人啲   因為有好多食店

醒獅仔都好得意噃

里奧大人一見到個肥字   就會一路影一路笑   黐線

我覺得好似公廁咁呀

經過一間舊式 Shopping Mall   諗住過冷河嘛   比里奧大人見到有得兌換錢   兌換率係 6.1x   又 OK 喎   所以兌換咗 HK$3,000   應該夠洗喇啩   我今次真係好忍手   樣樣買啲啲   唔係掃貨呢 ~

我哋諗住去有冷氣地方食嘢   不過有冷氣嘅食店又唔係咁啱食   兜下兜下又去番落車位置   有間都唔錯   以為有冷氣   原來只得風扇   但坐定咗都無咁熱    老規矩   我同彩虹妹妹去買嘢食   次次買第 1 樣嘢都係凍飲   因為真係好鬼熱呢   呢餐佢又比下   我又比下   都唔錯喎   因為 Share 咁計都幾煩   數目太細   好難記呀 ~

左邊係蔥米水 / 右邊係馬蹄水

豆枝 (SGD1) / 魚條 (SGD1) - 口痕想食嘢   不過彩虹妹妹自己就食咗碗魚蛋河   

唔好食嘅

但辣椒醬就好好味

得風扇咋   但呢間算最涼㗎喇   哈哈

入面都好多嘢睇   不過好熱   要急急腳行

又出發去睇獅頭魚尾像同榴槤地標 (海濱藝術中心 Esplanade)   影呀影   其實真係無咩好影   哈哈   因為好鬼熱啦 ~

呢棟係公營大廈   即係香港嘅公屋   真係靚鬼到呢   好似有 5x 樓   同埋有空中花園比住客做運動   唔駛迫埋一處地方喎   咁鬼細心   香港要學下啦   唔好咩都錢錢錢

彩虹妹妹話呢間好食   我話妳食過呀 ?!   佢話無呀   話睇個樣好似好好食咁喎

我第一眼係留意到有粒珍珠形狀咁搞笑囉

我影咗 1 張相咁大把


我其實想扮拎起個蓮花   之後睇相覺得好似想吸走個小朋友咁   哈哈

Dup 佢個頭 ?!   但其實我都唔知點解做呢個動作   哈哈

外型有如蓮花又如手嘅就係 Art Science Museum (金沙藝術科學博物館)

呢日未完㗎 ^^