金姆指米線 @ 九龍灣 ( 11-FEB-2015 ) (禁)

我嘅墨魚丸魚腐酸辣米線 (小小辣)

里奧大人嘅鮮牛肉牛丸酸辣米線 (小小辣)

( 11-FEB-2015  WED )

今朝起身都有啲凍   但出門口就無咁凍   不過都係有種潮潮濕濕嘅感覺呢 ~

早餐食芝蛋治   因為 Lunch 食麥皮   唔餓真係唔好食芝蛋治   因為好滯   其實食咗半份之後都唔想食   不過一定唔會留番 Lunch 食囉   麵包索哂啲油好難食㗎 ~

菇場唔忙   可以 Hea 過 ~

Lunch 食麥皮   再食埋個梨   感覺唔係飽    係成肚水   哈哈 ~

特登開杰啲   但真係好難食   哈哈哈哈   可能我又凍哂先食呢

里奧大人今日 4 點喺官塘見客   所以佢一定早過我番屋企   不過菇場今日會有新銀紙比我哋   叫我哋要放工留低   咁好啦   等到 5 點 53 分啦   同我講話唔夠 $20   所以聽日比我   真係想頂佢   點會唔夠數㗎   嘥鬼哂我啲時間 ~

又餓喎   所以番到九龍灣都 6 點半   咁唔煮喇   我同里奧大人講話去金姆指食酸辣米線   佢好愕然   因為我講過唔食佢哋嘅米線嘛 ~

其實我次次唔煮飯   都會有啲歉疚   一定會同佢講唔好意思   不過佢次次都會話 "無所謂   唔緊要   出去食仲好   可以抖下"   定係佢鍾意食街嘢多啲呢   哈哈 ~    

去東海堂拎埋 "黑糖紫薯年糕" 就番屋企   突然間覺得個肚勁脹   雖然我好攰   不過一陣都要去徑步 ~

番到屋企都係 7 點 45 分   睇下電視   無啦啦肚痛要去廁所   之後里奧大人開門睇下我   話驚我暈呀   因為我入咗去好耐喎   算佢啦   因為佢知我無啦啦肚痛係會暈   但因為佢喺房做嘢   我又無同佢講肚痛   估唔到佢知我入咗廁所囉 ~    

抖咗陣就去徑步   個肚都係搞青下咁   所以徑 20 分鐘算喇   之後叫埋里奧大人一齊去買木瓜就番屋企 lu ~

沖完涼   睇埋新聞   11 點唔夠就瞓喇   真係唔知點解今日咁攰   哈哈 ~