茄汁蝦 今次都幾大隻 食幾隻都飽飽哋 lu
炸豬扒 - 我無食呀 佢哋話炸到好乾
冬菇魚肚鴨掌
白切雞 / 豉油雞 - 都唔熟嘅 姑奶仲話叮完會熟 但事實叮完都唔熟囉 佢仲堅持話係熟 後尾個個都叫佢一定要去蒸熱呀 仲話衰過出面買嗰啲雞 大佬 生雞嘅點食呀 黐鬼線
滷水鴨 - 2 姑奶老公拎嚟㗎 唔記得邊度好出名嘅鴨喎
腐皮卷 - 2 姑奶買㗎 $5/條 又抵喎 因為食一條都好飽肚 我覺得最正係全素呢
炒雜菜
滷水紅腸雞翼 - 兒生嘅女朋友整嘅
炸春卷
生果
( 7-FEB-2015 SAT )
之前家姐約咗我今朝食早餐 不過咁啱姐夫約咗朋友裝車嘅鏡頭 所以唔同我食 家姐話好衰咁 咁我又唔覺咩衰囉 我覺得仲好 因為我依家唔食紅肉嘛 咁去 Oliver's 又得腸同包 所以唔去食仲好 哈哈 ~
咁尋日 8 卦又約我去食早餐 咁去試新嘢啦 ~
真係呢 又係 11 點幾先忙 好在放工前啱啱做哂咋 可以準時走 ~
約咗里奧大人喺鑽石山地鐵站等 之後我到車站入面 佢就啱啱到 不過佢話車廂好迫 所以唔出嚟 一齊喺太子站等 再去深水埗喇 ~
佢想換電話套 之後行錯方向 我都黑黑哋面 佢仲賤 無啦啦發哂脾氣話 "買唔到咪唔買囉" 都黐鬼線 不過感恩最終都買到 佢依家發顛 我唔會又發顛㗎 因為我覺得咁樣好煩 比着以前真係好大聲話番佢㗎 所以當中我覺得神真係改變咗我呢 ~
我嘅魚腐削搖麵 (清湯底) - 我一定會加辣菜甫 所以要清湯底
里奧大人嘅牛丸油渣削搖麵 (酸辣湯底)
食完嘢就去搞啲嘢先 之後就去將軍澳買嘢喇 買完都差唔多 7 點 要去姑奶屋企食飯喇 ~
買咗 $40/磅 樣樣有啲就最好 無咁悶嘛
我買咗 8 粒同家姐 Share 我對硬糖無咩興趣 因為我會咬糖 食喉糖都會咬㗎 里奧大人同家姐會覺得我好怪 哈哈
$78/磅 我買咗磅半 之前里奧大人話見到佢上司買豬肉粒 我話無見過喎 之後上網搵 原來真係有 因為我多數食牛肉粒嘛 所以佢見到即買磅半
食到 9 點幾就走 lu 好在 2 姑奶車埋我哋番屋企 ~
都唔徑步喇 所以即沖涼 勁攰呀 好似咩都無做就 11 點幾咁 又要瞓啦 ~
沒有留言:
發佈留言