衝瘋鴨仔團 @ 張家界 6 天武廣高鐵路團 DAY 4 (PART 1/4) ( 23-FEB-2015 年初五 )

( 23-FEB-2015  MON  年初五 )

行程 - 寶瑚峰 (包遊船) RMB180/人 --> 絲綢店 --> 土家風情門票 (RMB150/人) 古丈 - 紅石林國家地質公園 (海底奇觀 + 奧陶海底 + 彩色石林 + 千層石林 + 天池 + 小龍峽) --> 酒店

6 點 Morning Call   雖然早餐唔好食   但都照樣 5 點 45 分起身   咁可以快啲食完再番酒店休息好過 ~

真係覺得自己堅勁   到呢朝早仍然唔知道校錯光圈   所以又係濛查查   不過唔理喇   照 Post 出嚟   留個記錄咁呢

呢碟完全好似無帶 3D 眼鏡睇 3D 咁呀   真係望多 2 秒都頭暈   哈哈   所以里奧大人幫我揀呢兩日嘅相   佢話睇到想暈想嘔   哈哈哈哈   之後佢話唔幫我揀 lu    呵呵

我嘅早餐   真係唔想食㗎   但無嘢落肚又唔得   早餐對我嚟講係好重要家嘛   但呢幾日啲早餐

7 點半出發去寶湖峰    不過因為唔比大車上去   所以 7 點 50 分落車行咗差唔多半個鐘就到喇 ~

其他團都咁早出發

得呢間超市咁早開咋

勁呀呢   比我影到咁   真係頂自己唔順呀   但出嚟效果又幾特別喎   呵呵

無啦啦又影到喎

里奧大人又偷影我   同佢鬥閃過   哈哈

8 點 25 分坐船   8 點 50 分就落船    之後仲要行條樓梯落山   勁驚呀 ~

呢架雨傘電單車設計唔錯喎

去廁所先



行緊嘅係一條條鋼鐵定木呢   唔記得添

齊齊吹水   講緊肥仔啲搞笑嘢

行上去喇



突然間覺得中間嘅山型   好似隻大猩猩咁

排隊入去喇

有講解員沿途介紹

呢條瀑布   喺 "阿凡達" 有出現過

好似一個人企喺度咁

阿 Man 話佢睇度寫咗啲咩字   我話我睇到係 "飛流界峰 "

企喺後面啲團友就以為阿 Man 真係睇到咁勁   哈哈   不過阿 Man 都係話睇下面塊石先知個山係刻咗 "飛流界峰" 呢   我都係啦   哈哈   其實佢有講過點樣刻上去   可惜我唔記得呢

暗斜   今朝我又好 OK 喎   行上去唔覺得辛苦   反而覺得郁下好舒服呢

我見到個人樣呀   係 Dup 低頭笑緊呀

有對眼喺度望住妳   呵呵

條樓梯點行好呢 ?!

繼續行   個個都雙手插袋   因為真係好凍

又會就咁寫個 "園" 字咁得意嘅   遠睇啲馬騮係一 Pat 嘢咁喎

相傳話行呢條橋   好似帶住啲幸運定咩   總之唔可以望番轉頭   唔係啲運就無哂

寶峰寺   不過我哋唔係行呢邊

見到條樓梯嗎 ?!

肥仔要自己行喇   幾唔開心呀   哈哈

好大霧   好有仙境 Feel

有個亭

再行行行

睇唔到咩字添

勁多青笞

咁睇都好正   因為香港無呢啲山型   如果有就好 lu

里奧大人次次都行最尾

行去坐船   坐 20 分鐘要 RMB180/人   講真   就算 RMB180 兩個人都覺得貴呀

呢啲先係排隊行嘛   哈哈

架船係咁嘅

都泊咗好多船

似咩呢 ?!   係無嘢似   哈哈

到咁上下就有人出嚟唱山歌   向人哋唱山歌係示愛嘅一種   妳鍾意人就要唱山歌回應㗎喇   同埋佢哋鍾意用歌唱形式表達情感   我啲五音不全又無氣嘅人   真係唱一句就已經比人打道回府㗎喇

其實真係靚   但我真係好眼瞓囉

真係唔知想影啲咩   哈哈哈哈

比啲反應好喎   哈哈

零零舍舍生長喺湖中間

手掌呀

2 隻手指

V 字

好似幅山水畫

咩呢

似駱駝

我覺得好似一嚿嚿山砌上去咁

人樣呀

繼續飄

又嚟唱山歌喇   今次呢個係男人   我睇見佢就覺得凍喇   哈哈   同埋覺得佢好悶囉   得一個人   如果無人睇   真係坐成日

皺哂眉   唔知乜事

似條魚游緊上嚟呢

有條橋喎   唔知行去邊呢 ?!

咁樣睇似一個人

又好似隻狗   所以真係三分形象七分想像喇   哈哈

有個人樣喺度㗎   仲係八字眉添

佢教我哋講 "Su We"   好似係多謝咁解

呢舊石好出名   好似話似個人

打 X 樹枝

距離地面好遠噃   中間打橫果條先係地面

里奧大人向下影   我就唔會啦   向下望勁驚囉   頭暈兼腳軟呢

我鍾意睇呢啲石

山月亭

好驚囉   所以捉實扶手   都唔理 Dirty 唔 Dirty 喇

已經驚㗎啦   仲講呢啲   哈哈

小麥知我驚呀   所以指住條樓梯   話一陣要行果條樓梯呀

如果要行呢條樓梯   我堅會喊

                    

驚呀   所以用錯力落樓梯   慘

行到呢度無咁驚 lu

有嚿大石凸出嚟   好在樓梯夠闊

到地面就笑番哂   哈哈   但點都要掂住啲嘢先覺得安全   哈哈

另一邊

再望番上去

去睇娃娃魚

好大條   有 3 尺左右

睇到瀑布



買手信嘅地方

個名好恐怖   我覺得煲完碗嘢係血紅色同埋好腥

到寶峰湖喇

啲人好鍾意跳住嚟影相   想跳到條橋爛咗為止 ?!

好多好大條嘅魚   唔知點解   我覺得好恐怖   就算喺香港見到都覺得好恐怖

我企喺度對腳就好自己咁翹   我覺得咁樣好舒服

又出去喇

出口先睇到介紹

行去坐車

9 點半到絲綢店   差唔多 10 點 45 分開車去飯店 ~

去到絲綢店喇

好似復活蛋   好想食嘢呀   哈哈

講解點樣整絲綢   我一路影一路聽

好似蜆肉

有 2 粒蠶蟲

拉到咁大塊

呢一嚿勁咯

可以拉到咁呢

里奧大人鍾意影哂所有嘢之後   再等無哂人就再影多張

介紹乜嘢先係真正絲綢

吹白煙的

個個都好留心聽

等緊妳拎走   哈哈   我好驚睇簡體字   會成日睇錯   我初初係睇到 "蛋絲被"   哈哈

仲有 Angry Bird

無嘢做就同肥仔玩啦   佢成日拎媽咪部手機影相   一影就影幾張好搞笑   之後我同里奧大人講佢識補飛影多幾張好勁喎   但里奧大人話佢都無對焦   大佬呀   5 歲人仔咋   想點呀   構埋圖好無 ?!

我哋幾個團友一齊坐床   攰吖嘛   之後員工拎啲膠椅比我哋坐   哈哈

呢度啲 Building 都好得意喎



真係坐得勁舒服㗎   初初奇怪點解無啦啦喺座位隔離擺垃圾桶   因為好易踢到家嘛   後尾就知覺得佢好重要   因為個個一上車就食零食   佢成日都常滿㗎   好在唔係喺我隔離   唔係我會擺佢喺另一邊   哈哈

頭先我行行下   里奧大人個樣突然勁驚咁同我講  "做咩妳條褲發哂霉嘅 ?!"   唔係嘛老公   成條;褲發霉點會着呀

11 點半到餐館   食早飯呀   今餐係加餸   因為之前有一餐無食到   所以退番錢   每人都係退番 RMB 1X    大家拎出嚟加餸好過咯   所以今餐最好餸呢   哈哈 ~

農家宴

呢個野山菌湯超級好味   好香菇味呀   不過之後再飲就變得太濃   無咁好飲

最緊要係熱辣辣

好大窩

人手造嘅麵   我哋覺得無咩特別喎   好似壽桃牌嗰啲咁

大嫂成日買街邊嘢食   不過我覺得咩都買嚟食   其實真係好開心嘅   可能我為食啦

電單小貨車

唔會養嚟食嘛

      

呢日未完㗎 ^^