譚仔 (三哥) 雲南米線 @ 九龍灣 ( 3-FEB-2015 ) (禁)

我嘅魚蛋生菜米線 (麻辣 10 小辣)

Ivy 嘅豬潤同豬腩肉米線 (麻辣中辣)   Ivy 又係好好   我上次同佢講話禁食祈禱   所以佢一聽到話譚仔就問禁食祈禱咪食唔到囉 ?!   不過我話只食白肉就 OK 㗎喇    

( 3-FEB-2015  TUE )

今朝里奧大人要上大陸   6 點半起咗身   我多數都會醒一醒   叫佢帶參蜜   佢話知道   但如果我知佢差唔多出門口   又會大叫佢記得帶參蜜   佢會話記得喇妳快啲瞓啦   哈哈   佢實在太無記性   成日急急腳就唔記得拎嘢嘛   所以我咪咁長氣囉 ~

瞓到 7 點半起身   如果自己一個人起身   真係唔敢懶床㗎   一陣瞓到 9 點就慘 ~

早餐食奶醬多   其實想食鹹嘢   但又唔想食咁多蛋 ~

忙呀   今日預咗要忙成日 lu ~

食埋 Lunch Box 就出去行   咁我次次去親超市萬寧   一有 95 折就會問家姐要買啲咩   佢話 "又 95 折 ?!"   係喎   我都覺呢幾次打比佢都係 95 折   因為上星期六係 AEON 95 折   尋日係一田 95 折   今日係惠康 95 折   哈哈 ~

買完嘢就番菇場喇   因為幫家姐團購   佢買咗個 JNC 極速營養魔術壺 (豪華版)  原價 $1,480   依家 $488   家姐同事話叫家姐試煲啲粥比佢食   好食先買   黐咩   駛人唔駛本   所以我叫家姐講話個壺係我買   唔會叫我煲比佢食呀嘛 ~

做呀做   做極唔完   好在仲剩番少少   咁留番聽日先做 lu ~

放工即走   要去買抽濕器   順便出雙糧比媽咪   不過坐咗陣就走喇   因為要番屋企放低嘢又即出門口喇   約咗 Ivy 喺譚仔等   我去到都 6 點 50 分   坐低無耐佢就到喇 ~

今晚好開心呀   終於可以 7 點半到教會   可以聽人哋啲實習個案 ~

9 點 15 分完畢   拎埋 Notes 就番屋企喇 ~

番到屋企都見到里奧大人 lu   好在佢今晚都可以準時放工   7 點半已經喺上水食嘢   真係好感恩   車程暢順嘛 ~

沖埋涼   睇咗陣電視又已經 11 點幾喇   要瞓喇   今日頻頻樸樸好攰呢 ~