衝瘋鴨仔團 @ 張家界 6 天武廣高鐵路團 DAY 3 (PART 2/2) ( 22-FEB-2015 年初四 )

( 22-FEB-2015  SUN  年初四 ) - PART 2/2

睇完十里畫廊   8 點半坐番小火車落去   再坐咗 10 分鐘車就到天子山腳底   之後要急步行去排隊喇   好在依家行得快咋   又唔係好辛苦   最勁係我居然無喘氣喎   可能我心態係當做運動   所以都好享受行嘅過程呢 ~

行呀行   去到天子山都係 9 點左右咋   但已經見到超級勁長人龍囉 ~

見到百龍天梯喇   都好高咁噃

之後我開始有啲驚   因為預咗佢哋會係失控狀態咁款   唔理人囉   咁排隊都無問題   但一轉個彎   有哂鐵馬欄住   咁就出事喇   迫唔係問題   我已經預咗   我好醒㗎喇   捉住前面男團友個背囊   有一下佢行快咗   我扯番住佢呀   哈哈   因為我驚甩手就跟唔番㗎喇   咁里奧大人就捉住我背囊家嘛   佢無啦啦大聲同我講話甩咗手   叫我自己行先   嚇死我啦   甩咗手真係搵唔番㗎   原來係有架 BB 車突然插隊呀   所以佢咪讓人囉   啲人顛㗎   BB 車點入得去㗎   焗死都似   因為當時當緊雨   個個都開遮   真係睇唔到天空囉 ~

好在同里奧大人隔咗 2 個身位   咁我唯行慢啲拖番住佢   所有人都貼住嚟行   夾到我手臂都痛   真係人都顛   之後里奧大人打比小麥話唔上去喇   又好在隔離兩個身位係鐵馬   所以即出去喇 ~

人多遮多

着雨褸係好啲嘅   不過我無買呀

9:40am   已經要排 4 個鐘先上到天子山

原來有對母子團友都唔上去呀   咁里奧大人問阿 Man 點樣番酒店   阿 Man 個樣好愕然   因為嚟張家界目的係上天子山嘛   但我哋真係接受唔到咁排隊囉   阿 Man 教完我哋之後   就叫我哋番到酒店要打比佢報平安呀   哈哈 ~

之後我地就一齊行行落去坐 Shuttle Bus 喇   標智門落車   但我哋落錯車   因為我哋跟人落   咁啱個個都落車   以為係標誌門添 ~

無得上天子山   就周圍影下相啦

戴又熱   又唔想放入袋   所以我一垂直對手   頂帽就跌咗落地下   嗚嗚   好在我戴咗 2 頂帽啫

我哋又下面望番上去   都唔錯   哈哈

大霧影相真係幾正   因為無咩幾何會咁大霧去影相   哈哈

又無哂霧 lu

雨褸唔要就掉入垃圾桶啦

真的嗎 ?!

守護神

啲山形真係好得意

我哋跟咗人地落車呀   不過原來唔係標智門   哈哈   所以叫里奧大人走去問人啦   之後又坐番架 Shuttle Bus 去標智門 lu ~

粉紅陣

終於到標智門喇

 
仍然好大霧

好多 Shuttle Bus   所以多人都唔驚   最驚係啲人唔排隊啫

另一邊嘅塔

"今天的不便, 是為了明天的美好"   里奧大人話我知   我先知呢兩句金句   哈哈

繼續向前行

落雨濕濕   所以番酒店喇   里奧大人吹乾哂啲鞋同襪   咁都吹咗 1 個鐘   抖陣就出去行下   順便食埋 Lunch 呢 ~

我讀九九香土特產超市

呢個店名非常之掂

快啲幫我吸哂啲雨水啦

野味 ?!   有蝙蝠喎   最右嗰隻唔知咩來

番到酒店   里奧大人第 1 時間問幾點有暖氣   佢哋答 6 點先有

酒店唔開燈   暖氣就要夜晚 6 點半先開

有窗口嘅地方先光啲咋

唔好講笑   由第 1 日要 4 點起身   之後呢幾日都係 5 點幾起身   真係超級攰   我食完嘢   坐坐下都瞓着咗   勁呀 ~

用 IPAD 做 Menu   我其實唔係咁鍾意   因為翻睇好麻煩   哈哈

北方煎餃 RMB38/半打

送的

青菜肉絲麵 RMB48/窩

唔記得係咪東北水餃同幾多錢添

最緊要有杯熱茶



點解畫雞嘅 ?!   通常都係畫馬㗎噃

食完勁眼瞓   真係瞓着咗呀

餐廳入口

2 點半番到酒店   不過無暖氣   好凍呀   哈哈 ~

究竟條馬路係向邊個方向走呢 ?!

討厭   嘔心

去呢間按摩



好痛呀

按腳嘅地方

好似一齊生仔咁   哈哈

正宗自由行

周圍行下

度度都泊滿車

見到間超市勁開心啦   不過好似買酒居多   唔啱我呢

我哋住呢間酒店   無啦啦整條栱橋   好搞笑

無嘢做就睇 "心計" 啦   又食下生果同零食咁啦   之後 5 點幾勁眼瞓   瞓到 7 點呀   又凍喎   又係咁食零食補充熱量   真係唔肥都難   哈哈 ~

5 隻蕉要 RMB11   都幾貴喎   個柑就係送嘅

我唔覺香港有蕃茄味   所以買嚟試下

團友話去西藏都係飲呢支補充體力   所以我又買嚟飲   味道似寶礦力   飲完會尖叫

團友 8 點 45 分先番到酒店呀   第一個入餐廳係台灣仔   佢一路行入嚟   一路笑住頭擰擰呀    之後同我哋講好辛苦   里奧大人問佢天子山靚唔靚 ?!   佢話好靚   到大佬入嚟   第一句話我哋 "妳好醒"   因為佢哋企咗起碼 7 個鐘呀   高細佬又係話好辛苦   但啲景好靚   佢比咗啲相我哋睇   真係靚㗎   又有雲海   不過我真係頂唔順啲人咁排隊囉 ~

其實報名嘅時候知道索道已經維修緊   但無諗過兩個月都未維修好囉   明知旺季都唔快啲搞掂   好難明佢咃嘅做事方法   同埋團友話雖然有 3 部百龍天梯   每部天梯企 50 人   但其中 1 部壞咗   所以咪要等咁耐囉 ~

個個都話要快啲食飯快啲食飯   因為好餓呀   飢寒交迫呀   同埋個個都話對腳企到好痛   同埋啲衫褲鞋襪都濕哂   高細佬話佢仲慘   因為佢成 6 尺 2   所以成日比人啲遮篤到眼   又比人 "批爭"   佢話佢批番人   啲人就唔再批佢爭呀   欺善怕惡呢 ~

沖埋涼真係唔願郁   但唔郁唔得   因為聽日要住另一間酒店   要執好哂啲嘢   咁聽朝唔駛咁趕 ~

不過都係 11 點就瞓   因為太凍喇   要入被竇暖好多呢 ~

呢日行程完畢 ^^