蠔油薯仔燜雞 + 蒜蓉炒豆苗 ( 2-FEB-2015 ) (禁)

( 2-FEB-2015  MON )

眨眼又二月 lu   好快就農曆新年呢 ~

今朝里奧大人 10 點去葵興見客   所以又陪我食早餐   開心開心 ~

番到菇場忙啦   諗住做哂啲嘢就 Hea   點知又要做 Report   龍王無啦啦 Lock 咗個 File   搞咗好耐   所以搵 8 卦求救   之後叫龍 Unlock File   又問我 Unlock 啲咩 ?!   搞嚟搞去   佢話 Unlock 過再比我   頂佢啦   嘥哂我啲時間   半個鐘我可以 Check 好多嘢嘛   最黐線係話驚我整亂佢個 Report   都黐線嘅   做咗咁耐都係咁啦   咁驚唔好叫我做啦 ~

食埋 Lunch Box 就去一田買辣雞醬   買開嘅牌又無貨   所以試下第隻牌子先   再買多 2 支燒汁就走喇 ~

仍然做 Report   之後家姐打嚟話團購 JNC   咁我話聽日先幫佢團   家姐好驚訝話做咩唔依家團呀 ?!   我話 "大嫂   妳估我真係全職上網唔駛做咩   依家今時唔同往日啦   同埋西瓜喺度呀   呢 啲好邪家嘛   一陣團嘅時候佢搵我就樣衰啦"   佢聽完就喺度笑   真係呢 ~

放工未做完㗎   留番聽日先做 ~

去埋價真棧買金莎先番屋企   因為真係好平  唔買唔得 ~

$174/3 盒

After Eight $26 一條   勁抵呀   所以一定要買嚟同家姐 Share 食   家姐問我有幾多塊 ?!   我話寫咗 400g   無講幾多塊喎   之後佢又問   我話麥提莎有無講話幾多粒吖 ?!   之後無再問   哈哈

今晚唔駛買餸   煮到一半   里奧大人 7 點幾打嚟話喺油麻地比完嘢個客   依家番緊嚟   咁我都等埋佢一齊食 lu ~

一路食飯一路同里奧大人講阿蟲 Unlock File 啲嘢呀   之後我話好唔開心呀   我好少同佢講咁多次好唔開心㗎   因為我唔想比負能量佢呢   但今晚真係忍唔住囉 ~

是日晚餐 - 蠔油薯仔燜雞 + 蒜蓉炒豆苗 

蠔油薯仔燜雞 - 尋晚食剩半隻雞   加埋之前買咗薯仔要食㗎喇   所以就煮呢個餸 ~  

蒜蓉炒豆苗 - 星期日買定   我次次炒豆苗   里奧大人都話好難咬   唔知係咪生   但我話炒咗好耐喎   唔知係咪老就真   是鬼但啦   反正菜可以生食   哈哈 ~

搞掂哂都 9 點   我話唔開心呀   唔想去徑步   所以里奧大人陪我去 Taste 睇嘢食   睇嘢食就最開心呢 ~

沖埋涼   睇埋 "心計" 就瞓喇   其實 11 點未夠   不過今日全日對住啲數字   對眼超級勁攰   所以都瞓到呢 ~