泰國人海南雞 @ 深水埗 ( 8-FEB-2015 ) (禁)

冬蔭功湯金邊粉 - 啲湯紅噹噹好得人驚囉   我覺得好油咁嘛   同埋我覺得好辣呀   如果家姐喺度就好   哈哈

有 5 隻蝦   但金邊粉份量好少

泰式海南雞飯 - 里奧大人強調食哂碗飯   話好鍾意呢啲油飯喎         

( 8-FEB-2015  SUN )

今朝 8 點半起身   食完早餐   番屋企抖陣就番主日學 lu ~

完咗主日學就崇拜   之後約埋 Ivy 同 Jack 一齊食 Lunch   食完就打的去新蒲崗出席教會前傳道人嘅追思會   雖然 3 點開始   不過我哋 2 點半就到喇   唔想咁急趕 ~

估唔到自己教會都有幾多人出席   不過就唔會坐埋一齊   因為一入去已經有人帶位呢 ~

3 點正式開始   呢位傳道人係我第一批識嘅教牧同工   我第 2 次番教會就係佢講道   之後再番主日學   浸禮班   佢都有份教我哋   最記得佢話 1 年睇 3 次全本聖經   就算無 3 次呢   點都要睇 1 次   呢一點真係要好好向佢學習   同埋最記得係佢嘅笑容   永遠都笑面迎人   一見到佢就會好開心呢   之後里奧大人要讀書   所以都無番自己教會   當我番番自己教會時   佢做多 4 個月就去另一間教會事奉   但我都仍然會記得呢位傳道人 ~

好記得之前先同 Ivy 都講起呢位傳道人   之後 1 月18 日朝早收到 Ivy Whatsapp   話呢位傳道人心臟病發   安息主懷   當日真係全日無哂心機   太突然喇   之後都會諗起佢   所以尋日喺追思會上   我喊濕咗成包紙巾   坐喺隔離嘅教友都安慰我   我真係好唔捨得啦 ~

追思會 5 點完畢   我哋同 Ivy 佢地一齊行落去鑽石山搭地鐵   之後就分手喇 ~

同里奧大人去高登買 Router   不過佢知我唔鍾意睇   同埋驚焗   所以叫我自己周圍行   咁我又周圍行啦   順便幫佢睇電話套   又比我幫佢睇到款磨砂電話套   所以我一定要記得喺邊   檔口好難認   最好認招牌   咁佢睇完就再喺高登等   再由我帶佢去睇電話套   但最奇怪覺得好似唔同咗方向咁囉   叫番里奧大人話我知佢之前整電話套嘅地方   哈哈   之後終於見到買電話套地方喇   買完之後   里奧大人話其實我地兜咗個大圈   鬼咩   我話頭先都唔係喺高登對面分手   係喺地鐵站一出分手嘛   所以真係有啲亂 ~

買完就去食嘢   之後里奧大人再幫阿 Jack 買 Keyboard Sticker 就搭小巴番屋企喇 ~

番到屋企 8 點   抖咗 20 分鐘就出去徑步   落樓行咗幾步   見到前面對男女背影好熟   原來係 Ivy 同 Jack   係咪咁有緣呀   哈哈   又傾咗陣偈先去徑步呢 ~

其實心情都未平復   所以徑步嘅時候都係不斷諗嘢   唔經唔覺都徑咗半個鐘   咁番屋企喇 ~

沖埋涼   今晚都無心情打機   所以睇陣電視就睇聖經   11 點幾瞓 lu ~