衝瘋鴨仔團 @ 張家界 6 天武廣高鐵路團 DAY 2 (PART 1/3) ( 21-FEB-2015 年初三 )

( 21-FEB-2015  SAT  年初三 )

行程 - 慈利 (車程 1 小時) --> 龍王洞 RMB180/人 --> 張家界 --> 張家界國家森林公園 --> 金鞭溪 (母子峰 ~ 神鷹護鞭 ~ 金鞭岩 ~ 劈山救母) --> 茶葉店 --> 軍聲畫院 --> 酒店

6 點 Morning Call   我哋多數會早 15 分鐘起身 ~

好耐無試過 5 點幾起身咯   天氣又凍   勁想瞓多陣   但唔敢比自己懶床呀   唔係一陣遲到就唔好啦 ~

行李放喺房出面   等 Bell Boy 拎落樓下

尋晚最搞笑係我哋同好多團友都搭錯 Lift   我哋係知道喺貴賓樓住嘅   而去貴賓樓要喺酒店入面行過去   咁直行有好大塊廉遮住   我哋當然唔行入去啦   咁就轉左搭 Lift   但一開 Lift 就漆黑一片   咁肯定唔係住嘅   之後一齊落番去就見到小麥   佢話我哋要直行先啱   咁我哋就走去揭開張廉入去喇

6 點 45 分到餐廳   影相連食嘢   只係用咗 20 分鐘   因為真係無咩嘢好食   同埋樣樣都唔熱   我唔敢食咁多   驚肚痛 ~

餐廳好暗

拎嘢食嘅地方先光猛咋

炒河粉

好辣咁喎   我一定唔食啦

舖滿辣椒   勁驚   哈哈

我食呢啲咋   早餐好少食咁清   哈哈   同埋都唔熱嘅   蛋唔熱都接受   饅頭唔熱就驚啲   粟米係糯米栗   但唔係煙韌   同香港食嘅口感唔同

里奧大人必食炒飯

番到酒店搞掂哂行李又落去集合喇   差唔多 8 點就上車   9 點 10 分就到龍王洞   行到差唔多 11 點又上車去食飯喇 ~

酒店望出去係咁嘅

我第一次喺酒店開窗   哈哈

好多私家車 = 好多人

朝早直頭唔開燈添

出發喇

我哋坐嘅旅遊巴   真係好舒服㗎

慈利酒店 (4 星)

我鍾意呢啲指示牌   因為即係去緊旅行   哈哈

太陽出來了

影完張相都瞓 lu   無計啦   無飲咖啡又唔夠瞓   天氣又凍   所以坐車一定會瞓囉

最鍾意扶手有個掛勾   有得掛住背囊   真係舒服好多㗎   最正係一起身   隻手一伸就有零食   哈哈   我好耐無咁放肆食零食喇   所以呢個行程   錢可以唔帶   但零食一定要帶呢

我帶咗 2 條厚 Legging 同埋 3 條薄 Legging   之後幾日仲凍   所以要留番最凍先着   好在里奧大人帶咗厚勁巾   可以比我蓋住對腳   真係無咁凍呢

8:15am 仍然見到太陽

梨子坪   我即刻諗起雪梨呀   早餐唔飽   所以應該會無時無刻諗嘢食

我喺香港有棟咁嘅樓就好喇



天色都唔係咁好   但又無話唔開心喎   因為預咗會係咁呢

山呀水呀   到處可見

設計好特別嘅屋

9:00am 到龍王洞喇

自費項目   RMB180/人

無睇過

好似好神秘咁

其實係咁嘅   開始行入去喇

入去喇

地下都幾濕

望上去有個洞口

介紹一下

再行入啲   加埋啲綠色燈   好似好神秘咁

好多奇形怪狀嘅鐘乳石

親眼見先覺得好震撼

開始行落去喇   覺得有啲熱

阿 Man 介紹   佢做嘢真係超級有 Heart   因為其實有導賞員介紹   不過阿 Man 驚我哋聽得唔清楚   所以佢親自介紹   咁用廣東話係聽得清楚好多嘅   所以好感恩好感恩有個咁好嘅導遊呢

唔係阿 Man 重點介紹   我都唔知係個鐘乳石係斷開咗

沿住有燈嘅地方行

和尚沖涼喎

鐘乳石勁尖㗎



越入就越熱   我已經成身汗   但里奧大人又無除褸   仲以為得我有問題   之後佢話其實佢都熱   不過唔想拎住件褸喎

居然有植物可以生長到

去後宮喇

又入口又出口   哈哈

要行去遠少少先影到和尚沖涼

其實根本只係一嚿石   哈哈

好似怪獸啲牙齒

好難影到倒影

望過對面

我覺得啲鐘乳石似真又似假

Way out

Export 太搞笑吧

又上又落

長長嘅樓梯   講真   我依家對於行路行山絕對無問題   但係當食唔飽瞓唔夠嘅時候嚟行呢   對我嚟講係好痛苦   加上個背囊又重   行到最入又勁熱   成身濕哂   滿頭大汗   又要拎住件褸   我真係覺得好辛苦   不過當見到令人嘆為觀止嘅鐘乳石   又覺得好值得   哈哈

唔記得係咩 lu

記得呢度係鳳凰

其實係洞入面行嚟行去   哈哈   不過好在係原路入原路出   咁就唔駛驚呢

行番上去出口喇

望到出口喇   勁開心   因為我行到成身濕哂呀   要吹一吹風呢

龍王潭   個名好勁咁

喺龍王潭隔離   有一個位可以企出去影   我行咗啦   不過之後腳都軟埋   即刻行番地面   叫里奧大人行出去影比我睇有啲咩


呢日未完㗎 ^^