秋月居 @ 九龍灣 ( 14-MAR-2016 ) (禁)

炸軟殼蟹野菜沙律 ($49)

血池地獄海鮮拉麵 ($48) - 麻麻哋

香蒜牛肉鐵板飯 ($42)

蟹捧壽司 ($18) / 螺肉軍艦 ($14) - OK 喎   下次會嚟食壽司    

( 14-MAR-2016  MON )

如我所料   尋晚瞓得勁差   知道媽咪聞 4 度之後   我超級擔心   加上夜晚又睇埋 "Titanic" 呢啲慘戲喎   最慘係成晚發夢   臨醒之前個夢係我抱住麥包   最恐怖係佢居然同我講人話   好似話坐車個人好麻煩   我打佢個咀啦   佢之後去咬人   之後鬧鐘響 lu ~

起身有啲頭痛   好在沖咗涼就唔痛呢 ~

里奧大人話我行得好慢   鬼咩   無咩點食嘢嘛   哈哈 ~

邪到暈   諗住自己靜靜地食早餐   點知 8 卦 8 點 15 分已經到咗餐廳   咁一齊食啦 ~

菇場忙呀   因為要還債   哈哈 ~

Lunch Time 食叮公仔米粉   都唔好食嘅   都係超力好味啲 ~

忙多陣就可以 Hea 過   勁攰呀   又凍喎   勁想番屋企沖熱水涼呢 ~

放工即走   又係邪   居然同船頭同車   仲要坐埋一齊   想靜下都唔得 ~

我諗住搭 Lift 啦   想睇下自己邊個方向出嘛   我去 1 樓嘛   我按 1 字又唔着燈   咁我等佢半關就再按 1   點知又開門   真係開嚟開去都按咗半分鐘   係都唔比我上去咁   拍鬼戲咩   最後都係行樓梯啦   咁行後門樓梯啦   行行下一望上去   見到一 Pat 黑嘢   原來係個唔知咩紙牌   嚇鬼死咩   仲要一望係 2 樓   我頂   原來頭先我已經喺 1 樓   唔怪得按 1 點都唔得啦 ~

去到見到媽咪都係中下中下   不過已經聞番 3 度氣喇   感恩   但我唔會鬧佢啦   因為可能真係條氣唔順   所以先咁   但我間唔中就叫下佢囉   佢又 OK 精神咁喎   感恩感恩 ~

里奧大人 3 點半去太子見客   之後約咗 6 點整牙   不過佢都成差唔多成 7 點先搞掂   所以我都 7 點走人喇   行到半路見到家姐   傾咗陣就走喇   落緊毛毛雨好煩呢 ~

8 點開餐   實在太好喇   終於覺得餓 ~

食完要即番屋企喇   里奧大人要做公司嘢   咁我沖完涼都熨 2 機衫   但越熨條腰就越痛   熨咗 1 機半咋   真係頂唔順要坐下 ~

同里奧大人一齊睇電視   之後佢無啦啦話下次去旅行一定要去泰國   因為想我去按摩   等我舒服啲   唔駛周身骨痛   我果刻真係好感動好感動   真係無嫁錯佢   哈哈 ~

11 點半瞓喇   今晚唔太眼瞓   唔知係咪 4 點仲飲緊花茶呢   不過唔理 lu   照瞓   因為條腰骨好鬼痛呢 ~