澳門咖喱王清湯腩 @ 牛頭角 ( 25-MAR-2016 )

口水雞

川醬干炒牛河 (小辣) 

( 25-MAR-2016  THU )

嘩哈哈哈哈   好開心呀   終於放假   仲連放 4 日   爽爽爽爽 ~

瞓到自然醒   差唔多 10 點半先起身呀   所以即刻梳洗飛去食早餐喇 ~

條腸仔咩事呀 ?!   哈哈  

今日個天都係灰灰暗暗㗎   但就無落雨   咁我哋諗住聽日先去行山   所以就 Hea 過算喇 ~

番到屋企就抖下啦   睇下雜誌   3 點半先去食嘢   諗住買咗紅米 Note 先食   但好多人排隊   所以里奧大人話食完先買呢 ~

去到見無人排隊 lu   因為無哂貨呢   里奧大人係咁講唔好意思呀   我話唔緊要   送番比我咪得囉   哈哈 ~

今晚探媽咪   4 點 50 分已經到醫院 lu   家姐工人 5 點幾先到   拎雲吞比媽咪食   佢又唔食   是但佢啦   我唔想再講嘢   好攰 ~

家姐今日要番工   6 點半先到呀   不過我同里奧大人 6 點 45 分都走喇   想去食泰菜呢   點知去到無開   東主有喜休假 10 日   唔係呀嘛   我頭先同里奧大人講咗幾次話要食泰式鳳爪嘛   居然休息   簡直晴天霹靂啦   嗚嗚嗚嗚 ~

咁去到牛頭角喇   就喺度食埋先走啦   里奧大人話去食咖哩嗰間喎   其實我唔想去食   因為我覺得唔好食   不過懶得諗   是但啦 ~

坐我地張圓枱嘅一男一女都話唔好食呀   個男話已經比咗幾次機會呢間嘢   個女直頭開到口話難食   話佢唔識煮嘢都煮得好食過呢間添呀   哈哈   所以我同里奧大人講   唔係得我話唔好食呀 ~

食完就番屋企   開機洗衫之後沖涼   之後喺群組傾開聽日有咩節目   估唔到呀 mi 喂又諗住行山   真係整定   因為今日先話要試下用 Line 六個人一齊傾電話   果然今晚就用到呀下   哈哈 ~

呢次行山真係完全即慶   因為我同里奧大人諗住由大埔行去荃灣   再約阿 mi 食飯   但我哋又有另一個地方想行   所以就話如果阿 mi 喺荃灣就由大埔行去荃灣   估唔到咁啱阿 mi 係想行山   不過係由荃灣去大埔喎   咁好啦   我其實想一齊行   好好耐無見嘛   最勁係我哋 6 個人喺 Line 度傾電話   最搞笑係迫埋表表一齊參與   哈哈   足足傾咗差唔多 50 分鐘   好在又無斷線喎   呵呵   但就收得唔太好  窒下窒下   之後阿 mi 話每人講完一句就停   等第二個講   里奧大人話即係 Walkie Talkie   哈哈 ~

傾完就抖陣   11 點幾都瞓喇   唔係聽日無力行山呢 ~