今日最後一日假期喇 4 日假期真係話咁快就完 ~
今日去塔門 所以食完早餐就番屋企沖涼 之後就去德福坐小巴去西貢 等咗半個鐘小巴呀 1 點 15 分先上小巴 差唔多到巴士總站嘅時候又有啲塞車 咁睇個 Apps 話 6 分鐘後開車 勁緊張呀 感恩原來轉過彎就到 94 號巴士站 一落車就我去排隊 里奧大人去買支茶 佢去到巴士站就啱啱開車喇 ~
坐巴士見到 又幾搞鬼喎
整得幾似 哈哈
1 點 45 分開始坐 到黃石碼頭都 2 點 25 分 lu 之後再坐大飛入塔門 原來可以坐 20 人 但我地 16 人都照開喇 因為已經等咗一陣間呢 ~
到黃石碼頭喇
最緊要係去睇時間表
真係坐呢啲船 我其實勁驚 好似唔多穩陣咁
里奧大人坐我後面 我隔離嘅小朋友同我對面嘅小朋友係姐弟 係都要爭坐船邊 嘈到我頭都痛 但因為我要扶住手柄 所以我先唔同佢調位 大佬 我無嘢扶住好驚㗎 ~
估唔到坐大飛都有離心力 又大浪喎 啲風吹埋嚟呢 凍到好似零度咁呀 即刻諗起 Titanic 加上我又勁驚 落船嗰下有啲頭痛呀 好在行咗陣無事 但一諗起一陣又要坐就唔想番出去囉 哈哈 ~
勁大風又勁拋 好驚呀 隔離同對面兩個細路又嘈 頭都痛
最緊要捉實 安全至上
好在有塊膠嘢檔住 唔係上岸嘅時候 真係似偷渡落嚟咁款咯 成身濕哂
我以前試過行魚排 勁驚跌落海 哈哈
好似去咗長洲咁呢
塔門海傍街搵食
有大船駛出去
左邊有好多乾貨 可能有嘢啱買 所以最後先行呢
咁一心嚟係睇疊石嘛 但唔知行幾耐 總知有路就行啦 ~
諗住去呢間食嘢先 不過行下行下 越行越遠 最後都無去食到呢
仍然望到碼頭啲人 我同里奧大人講話唔想坐大飛出去呀 佢話即係唔駛出番去 哈哈 因為我當時唔知係可以住大船呢
再行上去喇
婆婆妳好
呢間屋應該有人住呢
望住好舒服
有隻牛食草
影張相留念
唔知曬緊咩
見佢將啲嘢係咪掃平去 唔好痴埋一堆
好似啲藻類咁
里奧大人以為我讀 "裕民坊" 哈哈
大樹下
有個亭 比妳可以抖下
唔想抖就去影下嘢
woo
最開心見到里奧大人影相 佢鍾意嘅地方先會影㗎咋 但食物真係好少影 所以我同佢都好夾 互補不足 哈哈
經過呢間吉屋
繼續向前行
無啦啦好多人 原來係旅行團
好多牛牛一齊行呢
佢哋一路行一路食草
就咁企喺度望住 都覺得好舒服呢 所以有時間同天氣好嘅話 真係要出去走走呢
海有中浪
地有中女 哈哈 今日着呢件衫好鬼熱呀
繼續行 呢啲路真係好好行 哈哈
木紋 近期大愛
沿途都好多牛牛出沒 我真係諗緊隻牛會唔會上樓梯 但其實佢係直行
呢隻牛牛好細隻
上樓梯 我鍾意行扁扁地嘅樓梯
里奧大人成日叫我行落去草原影相 大佬 斜坡來㗎 一唔小心就直接跣落海㗎喇
好舒服呀
有人露營 真係風涼水冷 lu
另一個營 好似喺度開餐
終於見到叠石啦 但真係無乜特別 不過地方就好舒服 可能行到出咗汗 所以有啲勁風吹埋嚟呢 覺得勁舒服 我話要坐多 10 分鐘先走呀 ~
見到叠石喇
我仲以為會好壯觀添 所以都有啲失望 哈哈
坐喺度比冷冷嘅海風吹住 真係好舒服呀 但隻牛牛行緊埋嚟就好驚囉
但其實隻牛牛係好乖嘅
牛牛無處不在
望下望下 望到想瞓覺 哈哈
有啲人會行落啲影相
里奧大人行去另一邊影 遠晀老婆 哈哈
要我企喺啲石頭上面影相都幾驚
呢日未完㗎 ^^
沒有留言:
發佈留言