米線陣 @ 官塘 ( 1-SEP-2018 )

今次我要中辣嘅蕃茄麻辣湯底   突然又想食麻辣感覺





我覺得手打豬肉丸好味   有馬蹄同冬菇粒   所以次次都叫嚟食呢

( 1-SEP-2018  SAT )

依家里奧大人星期六要番長短週呀   但今日我係 Off   咁我就瞓晏啲啦   瞓到 10 點半自然醒 ~

刷埋牙就即去食早餐喇   嘆完早餐就去青林買凍肉   之後就番屋企喇   好鬼重 ~



今朝真係好搞笑   里奧大人同家姐不斷咁搵我   係咪驚我一個人悶呀 ?!   哈哈   但其實我好忙啦   番到屋企先知原來佢哋打過幾次電話搵我   但我買緊嘢   完全 Feel 唔到個電話響喎   之後原來我係無 Cancel 飛線   哈哈 ~

同家姐講話去青林買嘢   佢覺得好出奇   點解我會識去青林買嘢   我話我好出奇妳點解會識就真啦   因為佢好少買急凍肉家嘛   但原來佢喺多數買丸   哈哈 ~

傾完就沖涼   原來都已經 12 點 45 分 ~

勁攰呀   咁落雨濕濕都唔想去街食 tea   所以叫里奧大人買 tea 番屋企食呀 ~



里奧大人 3 點幾就瞓晏覺   我就睇下電視   又洗咗 2 機衫   之後我都睇書喇   成日上網睇嘢都開始悶 lu ~

里奧大人居然瞓到 6 點   咁起得身啱啱好喇   因為頭先睇本書要分析自己性格   我得出嘅結果係冷靜型   我堅覺得唔係囉   之後再叫里奧大人幫我分析   點知冷靜型個分仲多過頭先   所以我話一陣再分析過   哈哈 ~

勁唔想煮呀   又見無落雨   所以又去線陣喇   再行埋 APM 同一田就番屋企喇 ~

沖埋涼就休息   之後一齊睇戲   睇到 12 點   但我話我瞓先喇   哈哈 ~