煎紅腸 & 漢堡扒 + 白菜仔 ( 6-SEP-2018 )

( 6-SEP-2018  THU )

話咁快 9 月又過咗 6 日   之後又話中秋節喇   諗起就嚟秋天就勁開心呢   哈哈 ~

早餐食芝腿治   8 卦話佢要學我食奶醬多   根本無可能啦   佢咁大食   我估佢食完唔夠 10 點都應該叫餓了 ~



菇場忙下停下   搞掂哂個個長命 Report   之後就好比心機咁清埋啲唔想清嘅嘢   呢啲最花時間呢 ~

Lunch Time 出去行下   再買 2 餸飯番菇場食   其實唔想食飯   但又唔想食辣嘢   所以食飯囉 ~



忙咗陣就可以抖下   咁 Load 相啦   難得 3D ~

放工即走   番到屋企即解凍食物   唉   尋晚用消毒藥水抹地   搞到地下好鬼跣   所以今晚一定要再拖地啦 ~

諗住今晚好快搞掂   但原來樣樣都要分開整   一個鑊蒸飯   另一個煲就用嚟灼菜   之後煎完嘢就淥麵   咁都用 40 分鐘 ~

里奧大人今晚 7 點 15 分先番到屋企   遲咗成 15 分鐘   我問佢係咪塞車 ?!   佢話唔知   因為瞓咗覺 ~

今晚我食埋尋日啲炒飯   我要蒸番熱   因為我想多啲水份   唔好咁乾呀   但一樣係咁乾   咬到牙都軟埋   唉   驚咗食飯   哈哈 ~   

是日懶餐 - 煎紅腸 & 漢堡扒 + 白菜仔

煎紅腸 & 漢堡扒 - 慢慢煎啦   不過啲腸切得唔夠薄   我已經用好多油   但唔明點解好似好乾身咁   咬到牙都軟   至於漢堡扒   真係好唔想再見到佢   所以點都要煎埋佢呢 ~   

白菜仔 - 好耐無食菜喇   要買番半斤來食啦   好味道 ~

搞掂哂就沖涼   之後就抖下喇  ~

里奧大人就幫手熨衫   佢呢樣就最主動   其他家務就唔會掂   有時我做家務做到攰   就會黑佢臉   講嘢又悔氣   其實都覺得自己幾衰   所以啲人成日喺佢面前話我好呢   佢實會話你以為啦   咁我都承認唔係佢哋想像中咁好呢   哈哈 ~

今晚勁喇   11 點唔夠都瞓   依家我早咗 15 分鐘起身   咁早瞓番都係好事   哈哈 ~