榮基打冷小菜 @ 官塘 ( 7-SEP-2018 )

滷水什拼 ($90) - 勁鍾意食拚盤   樣樣有啲無咁悶   但里奧大人就麻麻哋   因為好多內臟呀





蠔仔煎餅 ($60) - 新鮮炸起真係超級好味   同埋估唔到咁多蠔仔   好味道呀   但完全影唔到啲蠔仔添   哈哈 



( 7-SEP-2018  FRI  )

又星期五了   開心開心 ~

尋晚飽得滯   今朝食奶醬多算喇 ~



菇場唔忙   盡地一舖今日全程 Load 相   下星期一老闆番來   唔係咁方便 ~

咁同 8 卦講開醬油蟹   我哋都唔敢食   佢驚屙   我叫佢星期六去買隻蟹番來就咁食   佢即鬧我痴根   點同架 ?!   仲諗住整鬼下佢添   哈哈 ~

之後我話星期一應該見唔到你了   佢話我應該要去 Big Hotel 見佢   我話未咁快入得㗎   起碼要 1 個月   之後最無聊嘅係   我同佢同時間去 Expedia 睇有無酒店叫 Big Hotel   真係喺菲律賓有呀   如果我要入住   都真係會笑出來   哈哈   其實都應該得香港人先講大酒店之嘛   其他國家嘅人應該唔知係代表咩   哈哈 ~

好記得有次喺群組   姑奶話去大酒店   兒生女就問佢係咪唔番屋企 ?!   意思即係喺埋酒店度瞓   之後姑奶話佢睇啲唔睇啲   大酒店遲啲都會去瞓   但唔係而家   哈哈 ~

話咁快又 Lunch Time   行咗陣就買水餃米番菇場食   雖然食到悶   但又諗唔到食咩   唉 ~

繼續 Load 相到放工   對眼攰到呢 ~

放工去超市買嘢   之後等里奧大人放工 ~

今晚唔想煮呀   所以出去食嘢   食完就番屋企沖涼   之後休息喇 ~

睇多陣電視   11 點唔夠都瞓 lu ~