御苑皇宴 @ 九龍灣 ( 9-SEP-2018 )

( 9-SEP-2018  SUN )

今朝 8 點起身   番完早堂就去食早餐喇 ~



食完就去姑奶屋企   今日兒生仔結婚   話點都要斟茶比我哋飲   不過好在近   唔係真係唔去㗎   因為飲完又唔知做乜好喎 ~

里奧大人拎上手話好重   之後到姑奶同兒生女又拎下   個個都話好重   話分分鐘重過新娘嘅豬牌添呀   哈哈   



去到 11 點幾   同佢哋啲親戚傾下偈   之後差唔多成 12 點幾先番到嚟   勁眼瞓呀 ~
   
1 點幾終於飲到杯茶啦   飲完就走喇 ~

我同里奧大人就番屋企休息   咁食埋下午茶先番屋企 lu   咁我話食三文治啦   里奧大人又話唔好呀   食飽啲   今晚好夜食   但食完真係好鬼飽囉 ~   





番到屋企又唔係好攰   又上網睇嘢   里奧大人沖完涼就瞓陣 ~

4 點半出發去酒樓   睇埋簽紙儀式就周圍同啲親戚傾偈 lu ~

里奧大人嘅大陸親戚嚟飲   佢個女好搞笑   10 歲人仔   但一見到我就好黐住我   但其實我對佢完全無印象   但話嗰時上去探佢   佢都有嚟食飯   哈哈 ~

咁我同佢去 Ikea 買零食   我買咗朱古力同餅乾同紅莓乾比佢   佢好乖   成日話貴唔好買咁多   驚咁貴會比媽咪鬧   我話一次半次無問題啦   妳最緊要同人分享就可以了   之後佢想買夾糖   咁我話呢度真係好貴喇   出面最多係 $8.9/g   呢度 $13/g   但最後我都係叫佢每樣夾啲啦   難得妳鍾意食 ~

諗住買埋爆谷啦   但居然賣哂   我即帶佢去 UA 買   但無焦糖味囉   得朱古力味   咁照買啦   我自己就唔捨得買囉   細嘅要 $44   我覺得貴呀 ~

番到去   坐多陣都差唔多開席了 ~ 

我同里奧大人坐主家席   侍應仲搞笑   以為我坐錯   之後我話我坐呢枱㗎   佢好愕然   其實個個望到我同里奧大人錯主家席都好奇怪   哈哈 ~

差唔多 10 點半打的走人   番到屋企即沖涼喇 ~

家姐今日去朋友屋企一齊整月餅   所以又拎幾個比我



蜜汁豬肉乾   一塊係一斤   好似 $136   我話勁貴呀   搵日得閒自己整下先   買一百蚊豬肉有排食   哈哈 



我問家姐點解買呢包沙爹魚片比我 ?!   佢話知我鍾意食   估唔到佢記得

本來可以 11 點幾瞓   但自己掛住睇見証   睇到 12 點幾先瞓呀 ~