大家樂 @ 官塘 ( 29-SEP-2018 )

丹麥優質豚肉鍋 ($59) - 第一次食豚肉同豬骨湯底   平時多數牛肉架   個湯底真係清到不得了   下次唔會再叫啦   哈哈

( 29-SEP-2018  SAT )

今朝好開心呀   因為又同家姐食早餐   食下傾下啲時間真係好快過   如果大家番嘅工地方係附近就好啦   可以日日見幾次都得呀   哈哈 ~

咁要食滿 $100 先用到張 $50 Coupon   所以叫家姐買多個牛角包 ($20) 拎走   咁先係 $108   晨早流流要計數   頭都暈埋 ~

自選特級早餐 - 珍寶腸 / 煙火腿 / 烤雞 法國貴族牛角包 ($43) 
鮮菠菜雞肉奄列配蘑菇汁及法國百吉包 ($45)



鮮磨咖啡



菇場忙啦   阿 A 又番咗來   叫 PSY 同阿怪喺廳做嘢   麻鬼煩   嘈到死 ~

今日身體狀況都唔錯   咁里奧大人又要番工   所以約佢去旺角喇 ~

放工即坐巴士出旺角   佢同我到嘅時間差唔多   咁叫佢喺南記等我   佢估唔到我話去南記都好呀   因為我都想食啲酸辣嘢嘛 ~



食完行陣旺中買雪糕   之後再行過新商場   都唔記得叫咩名   行完就走喇   我條腰超級勁痛   我已經換咗個輕身袋   但都覺得重   之後忍唔住要里奧大人幫我拎袋   其實佢叫咗好多次   不過我話唔好啦   但最後都係忍唔住囉   我覺得因為呢個星期二全日瞓   瞓得太多   條腰痛囉   好多時都係咁   唉 ~

睇唔出呢杯係綠茶雪呀呀呢   哈哈哈哈



番到屋企就開機洗衫   之後抖喇 ~

好想打邊爐   所以去大家樂喇   食完再去超市買嘢   搞掂哂就番屋企 ~

今晚我抹完嘢就大清潔廁所    呢排都無咩點清潔屋企   其實我上星期同里奧大人講   話今星期要開始徑步   點知星期一就唔舒服   變相又無得做運動一個星期   又成日出街食   真係非常之唔健康囉 ~

沖埋涼就真係要休息喇   咁同里奧大人一齊睇戲   睇到 12 點左右都要瞓 lu   聽朝要早起身呢 ~